Merkezê Îrtîbatî û Çapemenîye yê HPGyî derheqê çalakîyanê gerîlayan hêrişê artêşa tirke de eşkerayîye daye û nê pare kerdî:

''28ê teşrîna verêne de qezaya Pasûrî ya Amedî de hêzanê ma vera Qereqolê Mîlîka çalakîya koordînekerdîye kerde. Netîceya çalakîye de kuleyê qereqolî bitesîr ame pirodayene la hûmara merde û birîdaran ê dişmenî zelal nêbîye. Na çalakîye semedê yadkerdişê embazanê yê bêmergan ê ke Amede de şehîd bîyî ameye kerdene.

Çarçewa Hemleya Şorişgêre ya Cengê Xabûrî de 30ê teşrîna verêne de hêzanê ma yê YJA Starî Girê Koordîne yê warê Pîrbila yê Heftanînî de da îşxalkeran ro. Çalakîya ke çarewa Hemleya ''Vera qirkerdişê cinîyan wext wextê pawitişê cinî û komelê azadî yo'' ya KJKyî de ameye kerderdene de hedefê ke ameyî bewlîkerdene biîsabet ameyî pirodayene.

Eynî roje çarçewa Hemleya Şorişgêre ya Bazanê Zagrosî de warê Mervanosî yê herêma Avaşînî û warê Şehîd Munzurî yê Zapî de îşxalkerî bi hewayêkê hemwextî hetê hêzanê ma ra ameyî pirodayene. Netîceya çalakîye de sîstemêkê kameraya mobese û mewzîyeke ameyî derbkerdene.

31ê teşrîna verêne de warê Cîloyê Biçûkî yê herêma Zapî de îşxalkerî hetê di tîmanê ma yê koordînekerdeyan ra ameyî pirodayene. Çalakîye de îşxlakerêk ame cezakerdene. Reyna warê Kela Bedewê de zî îşxalkerî di hetan ra pê çekanê giranan ameyî pirodayene. Eynî roje saetanê şanî de warê Tîpa Tyî yê Zapî de helîkopterê hêrişî ke waştêne herême bombarduman bikero hetê hêzanê ma ra ame hedefgirewtene. Helîkopterî ke derb girewt mecbur mend agêro.

Dewleta tirke ya îşxalkere 31ê teşrîna verêne de Warê Xoverdayîşî yê Werxelê da bomayan ver. 31ê teşrîna verêne de warê Tabûrê Ereban ê Avaşînî de têgêrayîşê helîkopteran qewimîya.''