Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîya nuştekîye daye.

HPGyî nê detayî pare kerdî:

''4ê temmuze de warê Girê Sorî yê herêma Avaşînî de têgêrayîşê helîkopteran qewimîya. Hezanê ma helîkopeterî hedef girewtî. Badê mudaxaleyê gerîlayan helîkopterî mecbur mendî ke agêrê.

Bombardumanê artêşa tirke yê vera waranê Avaşîn û Metîna dewam kenê. Detayê hêrişan wina yê:

2ê temmuze de saetanê nêmroje de warê Mervanos, Mamreşo, Şukê, Tabûra Ereban û Girê Silêmanî yê herêma Avaşînî de pê helîkopteranê Skorskyan leşkerî ameyî bedelnayene.

4ê temmuze de warê Stûna û erazîya Kela Qumriyê yê herêma Metîna pê teyarayanê şerî ameyî bombardumankerdene. Eynî roje seatanê şewe de xeta Qaşûra de têgêrayîşê helîkopteran qewimîya û erazîyê dewanê Deşîşê, Kela Qûmriyê û Kêste û warê Girê Şehîd Çîya û Derarê yê ke dormeyê dewa Hîrorê  de yê pê helîkopteranê hêrişî ameyî bombardumankerdene.

Nê hêrişê ke ameyî kerdene de vînîbîyayayê ma çîn ê.''