Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê artêşa tirke de zanayîş da.

Eşkerayîye de nê ameyî parekerdene:

''Çarçewa Hemleya Şorişgêre ya Bazanê Zagrosî  de Avaşîn de;

Şefeqê 23ê hezîrane ra heta saetanê şewe yê 24ê hezîrane warê Werxelê de mewzîyê şerî bêmabên ameyî bombardumankerdene.

24ê hezîrane de îşxalkeranê ke waşt debikewê mewzîyanê şerî vera înan çalakîya koordînekerdîye ameye kerdene.Çalakîye de di îşxalkerî ameyî cezkerdene. Heta veraşanî pêkewtişan bimabên dewam kerd û dima ra îşxalkerî gamêke peyser ancîyayî. Îxalkeran dima ra mewzîyê şerî pê teyarayan bombarduman kerdî. Saetanê şewî de grûbêka îşxalkeran hedef ameye girewtene la humara merde û birîndaran zelal nêbîye. Reyna helîkopterê hêrişî û Skorskyî ke waşt debikewê herême pê çekena giranan ameyî hedefgirewtene.

25ê hezîrane de warê Girê Sorî de vera îşxalkeranê ke waşt dewbikewê mewzîyanê şerî çalakîye ameye kerdene. Tîya îşxalkerêk ame cezakerdene û îşxalkerêk zî birîndar bi. Îşxalkeranê ke derbeyî werdî peyser acnîyayî

24ê hezîrane de warê Girê Silêmanî de têgêrayîşê helîkopteran qewimîya, îşxalkeran tîya hêzê xo bedilnayî. Eynî şewe warê Girê Sorî, dewa Herkî û warê Werxelê pê helîkopteranê hêrişî ameyî bombardumankerdene. Reyna warê Qaşûra û dewa Orê yê Metîna de zî têgêrayîşê helîkopteran estbi. Dewa Orê pê helîkopteranê hêrişî û obus û hawanan ê qeraqolanê sînorî ra ameye bombardumankerdene.''