Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''2ê hezîrena de hêzanê ma qezaya Çelê ya Colemêrgî de vera artêşa tirke ya îşxalkere çalakîyêke viraşte. Çalakîya ke Qilê Stuna de vera îşxalkeran ameye viraştene de mewzî û stargehê dişmenî bitesîr ameyî pirodayene la derheqê merde û birîndaranê dişmenî de zanayîş nêame girewtene.

Çarçeweya Hemleya Şorişgêre ya Şehîd Bager û Şehîde Ronya de 2ê hezîrane de çalkîyî ameyî viraştene.

Hêzanê ma vera îşxalkeranê ke Tepê Xwidê yê Avaşînî yê Herêmanê Pawitişî yê Medya de ameyî cakerdene çalakîyêke viraşte. Çalakîya ke dişmen bi tesîr ame pirodayene de derheqê netîceya çalakîya de zanayîş nêame girewtene.

Hêzanê ma yê YJA Starî Şemzînanê Colemêrgî de da îşxalkeran ro.  Qereqolê Zevkê de wesayîto zirxin yê tîpê panzerî biîsabet ame pirodayene. Wesayît ame îmhakerdene û hûmara merde û birîndaran safî nêbîye.

Teyarayanê şerî yê dewleta tirke 2ê hezîrane de warê Ciloyo Qij, Karker û Tepê Cehenemî yê Zapî, Qilê Hakkarî yê Metîna û warê Gelîya Basya yê Avaşînî bombardûman kerdî. Nêrişan de vînîbîyayeyê ma çîn ê.''