Gerîlayanê HPG’yî, vera leşkeranê ke Koyê Cûdîyî de, herêmanê Kêrê Hesen, Bajarê Kir, Girê Çolya, Şikeftokê û Bilûrvan de vejîyaybî operasyon çalakîye viraşte. Çalakîye de 6 leşkerî ameyî kiştene û 10 leşkerî zî bîyî birîndar.
Merkezê Îrtîbat û Çapemenîye yê HPG’yî dergeqê çalkaîyanê gerîlayan de beyanat da. Goreyê Beyanatê HPG’yî, gerîlayan çarçewaya Hamleya Şorişgêrî ya Şehîd Delale û Şehîdanê Besta de, vera leşkeranê Tirkîya yê ke , Koyê Cûdîyî de, herêmanê Kêrê Hesen, Bajarê Kir, Girê Çolya, Şikeftokê û Bilûrvan de vejîyê operasyon de çalakîyî viraştê.
Şirnex dê vera artêşa Tirkî de çalakîya sûîqastî
Beyanat de wina ame vatene: ’’Leşkerê Tirkî 19’ê Adare de, Koyê Cûdî yê Şirnexî de, heremanê Kêrê Hesen, Bajarê Kir, Girê Çolya, Şikeftokê û Bilûrvanî de vejîyayî operasyon. Hêzanê ma çarçewaya Hamleya Şorişgêrî ya Şehîd Delale û Şehîdanê Besta, vera opersayonana çalşakîye viraşte. Roja diyîna ya operasyonî de, hêzanê ma, leşkere ke Gîrê Kêrê Hesenî de ca dayo xo girewtî binê kontrole xo. Yewîya dişmenî ameye teqîbkerdene û di hetan ra ameyî pirodayene. Na çalakîye de yew leşker merd û 4 leşkerî zî bîyî birîndar. Çalakîye ra dima leşkeranê Tirkî bi helîkopteran, Derîyê Yadê û Derîyê Mazîyî bombarduman kerdî û helîkopteran xeylî leşkerî na herême de nayî ro. Leşkerî 20’ê Adare saet 07.00 de herêma Şîkeftoke de vejîyayî operasyon û hêzanê ma, vera nê operasyonî çalakîya sabotajî viraşte. Na çalakîye de, qaso ke ameyo eşkerakerdene yewê ci payeberz 5 leşkerî ameyî kiştene, 6’ê înan zî bîyî birîndar.
Teyareyanê şerî dewa Tehîşke bombarduman kerde
Operasyonê leşkeranê Tirkî yê Koyê Cûdî 20’ê Adare saetanê şewe de, seba ke nêbî serkewte qedîya û leşkeri peyser ancîyayî. Destpêkerdişê operasyonî ra heta peynîya operasyonî, hêzanê ma ra qet yew gerîllayî zerar nêdîyo.
20’ê Adare saet derdorê 22.00’î de, teyareyanê şerî yê Tirkî dewa Tehîşke bombarduman kerde. Dewa Tehişke herêma Metîna ya Warê Pawitişî yê Medya de ca gêna. Dewe de yew keye rastê hêrişanê bombardumanî ame û rijîya. Reyna dewe de xeylî baxçeyî zî bîyî hedefe bombardumanî û zîyanêko pîl ame dayene. No hêrişo ke warê sivîlî rê ameyo kerdene de kes nêmerd û nêbî birîndar.
22’yê Adare de zî teyareyanê şerî, herêma Zapî de Koyê Reşî bombarduman kerd. Bombarduman de hêzanê ma zerar nêdî.”
