Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Hêzanê ma 11 gulane de qezaya Çelê ya Colemêrgî de vera artêşa tirke çalakîyêke viraşte. Çalakîya vera leşkeranê ke Qilê Stuna de ameybî cakerdene de ameyî viraştene de mewzî û stargehê dişmenî bitesîr ameyî pirodayene la hûmara merde û birîndaranê dişmenî zelal nêbîye.

Teyaranê şerî yê dewleta tirke 12ê gulane de dormeyê dewa Mîrxana ya herêma Sîdekanî ya Başûrê Kurdîstanî ser o bombayî varnayî. Netîcaya hêrişî de hêgayanê şarî de ziraro madî ame meydan.

Eynî roje Heramanê Pawitişî yê Meyda ra herêma Metîna de warê dewa Kesta ame bombardûmankerdene. Nê hêrîşan de vînîbîyayeyê ma çîn ê.''