Gerîlayanê HPG û YJA-Starî serkêşanê Têgêrayîşê Azadîye ra Hakî Karer yad kerd.

Gerîlaya YJA-Starî Xemlîne Cûdî vat: ''Embaz Hakîyî sey şerwanêkê enternasyonelî kedêka pîle daye têgêrayîş û têkoşînê azadîye. Qesasê şehadetê ey zî bi ronîyayîşê PKKyî ame girewtene. Mîyanê gerîlayan de ewro bi hezaran gerîlayê enternasyonelî est ê. Artêşa tirke bi çekanê kîmyewîyan hêrişê ma kena. Sey gerîlayanê YJA-Starî îdîaya ma pîl a. Bi hêzê şar û Rayberê xo ma do têkoşînê xo xurtêr bikerê.''

Gerîlayê HPGyî Egîd Botanî vat: ''Embaz Hakî û Kemal Pîr embazanê Rayberîye yê yewinan ra bîyî. Têkilîya a embazîye têgêrayîşê ma resna nê rojan. Ê rojan ra nata têkilîya ma ya şerwananê enternasyonelan est a. Ma do têkoşînê xo de bi na embazîye ser bikewê.''

Gerîla Erîş Xoyî vat: ''Embaz Hakîyî heta roja peyêne bi fedakarîyêka pîle têkoşîn kerd. Ey kedêka pîle daye têkoşînê ma. Ma deyndarê şehîdanê xo yê û nê bingeyî ser o ma do têkoşîn bikerê. Ewro Zap, Avaşîn û Metîna de embazîya PKKyî bi xurtî xo eşkera kena. Rixmê zehmetîyan û çekanê kîmyewîyan zî ma şer kenê.''