Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Cengê Heftanînî  de hêzanê ma 27ê gulane de herêma Heftanînî ya Herêmanê Pawitişî yê Medya  de çalakîyêke viraşte. Çalakîya ke vera leşkeranê ke Qilê Partîzanî de ameybî cakerdene de ameye viraştene de mewzî û stargehê dişmenî bitesîr ameyî pirodayene la hûmara merde û birîndaran ê înan zelal nêbîye.

27ê gulane de artêşa tirke qezaya Payasî ya Hatayî de operasyonêk da destpêkerdene. 28ê gulane de hêzanê ma vera yewîya operasyonî çalakîyêke viraşte. Çalakîye de  leşkerêk ame kiştene. Îşxalkeranê ke merde û birîndarê xo herême ra vetî çarçeweya operasyonî hîra kerde.

Çarçeweya Hemleya Qesasî ya Şehîde Medya Mawa û Şehîd Rizgar Geverî de hêzanê ma 28ê gulane de herêma Kato Xelîla ya qezaya Şaxî ya Wanî de vera îşxalkeran çalakîyêke viraşte. Çalakîya ke warê Çelê Buka de vera leşkeranê asayîşê qereqolî ameye viraştene de 2 leşkerî ameyî kiştene.

24ê gulane de hêzanê ma yê YJA Starî qezaya Licê ya Amedî de çalakîya sabotajî viraşte. Çalakîya dewa Hindivî ya warê Şehîd Ferhadî de ameye viraştene de îstasyonê bazî bi temamî ame îmhakerdene. Roja bîne reyna herêma Şehîd Ferhadî de îstasyonê bazî ke nizdîya dewa Mizakî de bi hetê hêzanê ma ra ame îmhakerdene.

Teyarayanê şerî yê artêşa tirke 25ê gulane de warê Şêxzade, Kolik û Sinînê yê Xakurkê, 28ê aşme de zî warê Werxelê yê Zapî û warê Tepê Sorî yê Avaşînî  ser o bombayî varnayî. Nê hêrişan de vînîbîyaye ma çîn ê. Bostananê şarê herême de ziraro madî ame meydan û sivîlêk birîndar bi.''