Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Heftanînî de;

7ê tebaxe de Girê Dûpişkî yê Minînê de îşxalkerî 2 reyî pê çekanê giranan ameyî pirodayene. Netîceya na çalakîye de îşxalkerî bi hawayêkê serkewteyî ameyî pirodayene. 

Dewleta tirke ya îşxalkere netîceya xoverdayîşê serkewteyî yê hêzanê ma de tengasîye ancena. Dewleta tirke ya îşxalkere her roje bi hawayêkê giranî vera tunelanê şerî gazê kîmyewî xebitnena û sûcê şerî kena. Artêşa tirke ya îşxalkere 9ê tebaxe de warê Werxelê yê Avaşînî de tunelê şerî 5 reyî dayî gazê kîmyewî cer. Heman roje tunelê şerî yê Werxelê û Girê Sorî zî dayî bombayan ver. Nê waran ser o bi giranî têgêrayîşê droneyan dewam keno.

9ê tebaxe de warê Kafya yê Garê di reyî dîyayî bombayan ver, waranê Banista, Tabûra Ereban, Girê Silêman û Girê Sipî yê Avaşînî ser o têgêrayîşê helîkopterî qewimîya.

Nê hêrişan de zerarêk nêresa hêzanê ma ser.''