Merkêzê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayê Azadîye yê Kurdîstanî beyraqa Xoverdayîşê 14ê Temmuze koyanê Kurdîstanî de têşanenê. Çalakîyanê hêzanê ma de 36 îşxalkerî ameyî kiştene û 7 îşxalkerî birîndar bîyî. Netîceya nê çalakîyan de droneyêk ame îmhakerdene, di helîkopterî ameyî derbkerdene û xeylêk malzemeyo teknîkî ame destsernayene. Dewleta tirke tim mergê leşkeranê xo niminena, coka hêzanê ma dest na cenazaya leşkerêkî ser. Artêşa tirke ya ke warê şerî de ser nêkewt bi desan rey warê xoverdayîşî dayî bombayan ver. Detayê çalakîyan wina yê;

Avaşîn

6ê temmuze de warê Şehîd Têkoşerî de çalakîya sabotajî ameye kerdene, îşxalkerêk ame cezakerdene û 2 îşxalkerî birîndar bîyî. Eynî roje Warê Xoverdayîşî yê Werxelê de  hêzanê ma yê YJA Starî bi taktîkê sabotajî da îşxalkeran ro, 2 îşxalkerî ameyî cezakerdene û îşxalkerêk birndar bi. Nê warî de îşxalkerî hêna pê çalakîyanê cîyayan ameyî pirodayene. Netîceya çalakîyan de skorskyî herême ra kewtî dûrî û îşxalkerî gamêke peyser ancîyayî.

Zap

5ê temmuze de îşxalkerî dormeyê mewzîyanê şerî yê Şehîd Umîdî de ameyî pirodayene, îşxalkerêk ame cezakerdene û îşxalkerêk birîndar bi. 6ê temmuze de Warê Xoverdayîşî yê Çemçoyî de yew dron ame îmhakerdene. Eynî roje Warê Xoverdayîşî yê Karkerî de îşxalkerê ke bi çekanê giranan ameyî pirodayene, gamêke peyser ancîyayî.

Metîna

6ê temmuze de warê Girê Sêdarê yê  Warê Xoverdayîşî yê Girê Amedîyê de îşxalkerî çend rey têdima ameyî pirodayene. Çalakîyan de  2 îşxalkerî ameyî cezakerdene .Çalakîyê sûîkastî ya Warê Xoverdayîşî yê Girê Cûdîyî de zî îşxalkerêk ame cezakerdene ke cenazaya ci binê kontrolê hêzanê ma de ya.  Saetanê şewe de hêzanê ma yê YJA Starî zî tîya îşxalkeran ro, îşxalkerêk ame cezakerdene.

Eynî roje Warê Xoverdayîşî yê Girê Amedîyê vera îşxalkeran çalakîyê bitesîrî ameyî kerdene. Îşxalkeranê ke waşt pê kutikan aver şirê hetê hêzanê ma ra ginayî xapî ro di hetan ra bi çalakîya bikoordîne ameyî pirodayene. Netîceya çalakîyan de 13 îşxalkerî ameyî cezakerdene û 2 îşxalkerî birîndar bîyî. Herême de di helîkopterî zî ameyî derbkerdene. Hetê bînî ra hêzanê ma yê YJA Starî têdima bi taktîkê sûîkastî da îşxalkeran ro, 6 îşxalkerî ameyî cezakerdene. 7ê temmuze de  Girê Amedîyê de îşxalkerî hêna bi çalakîyanê cîya cîyayan ameyî pirodayene. Çalakîyan de 5 îşxalkerî ameyî cezakerdene. Hêzê ma şîyî di cenazayanê leşkeran ser û dest na xeylêk malzemeyê tenînîkîyî ser. Eynî roje çalakîya sûîkastî yê Warê Xoverdayîşî Girê Cûdîyî de 4 îşxlakerî ameyî cezakerdene.

Bombarduman

Artêşa tirke ya îşxalkere 6ê temmuze de Warê Xoverdayîşî yê Girê Cûdî, Werxelê, Karker, Şehîd Têkoşer û Kokerê pê çekanê kîmyewîyan û teqaberan dayî bombayan ver. Eynî roje  Girê FMyî de darî ameyî birnayene.  Warê Werxelê, Çemço, Kurojahro, Şehîd Şahîn, Karker, Girê Cûdî, Girê FM, Girê Hakarî û 6 û 7ê hezîrane de Sîda, Girê Bahar warê Sergelê, Geliyê Şêranê, Gundê Çemrobotkî, Kanîsarkê, Deriyê Hirçê û Sinînê pê teyarayanê şerî, helîkopteranê hêrişî û obusan dîyayî bombayan ver.''