Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî: 

"Herêma Metîna;

30 nîsane de Warê Xoverdayîşî yê Şêlazê de hêzanê ma  îşxalkerî girewtî binê kontrolî û di hetan ra bikoordîne da piro. Îşxalkerê ke ameybî pêser bi çekanê ferdî û otomatîkan mesafeyê nêzdî ra ameyî pirodayene. Tîya 13 îşxalkerî ameyî cezakerdene. Hetê bînî ra bi taktîkê suîkastî îşxalkerî ameyî hedefgirewtene û îşxalkerêk ame cezakerdene. Na çalakîya ke hetê tîmanê gerîlayan ê pîsporan ra ameye kerdene tede pêro pîya 13 îşxalkerî ameyî cezakerdene.

Herêma Xakurkê;

28ê nîsane de warê Xinêreya Jorî yê herêma Xakurkê hetê artêşa tirke ya îşxalkere ra bi teyarayanê şerî dîya bombayan ver. Artêşa tirke ya îşxalkere bi xeberanê zûran vat nê bombardıman de embazanê ma dinyaya xo bedilnaye. Nê vatişê artêşa tirke bi temamî zûr ê. Nê hêrişî de vînîbîyayeyê ma çîn ê la hêrişê artêşa tirke de 3 hemwelatîyê sîvîlî yê Rojhelatê Kurdîstanî şehîd bîyî.

Herêma Şehîd Delîlî ya Zapî;

29ê nîsane de Warê Xoverdayîşî yê Girê Cûdîyî de, 30ê nîsane de zî Warê Xoverdayîşî yê Girê Amedîyê de îşxalkerî hetê hêzanê ma yê YJA Starî ra ameyî pirodayene.

Herêma Heftanînî;

27ê nîsane de dormeyê  dewa Demka yê herêma Keşanî bi teyarayanê şerî yê artêşa tirke dîyayî bombayan ver. Badê hêrişê artêşa tirke hêzê Iraqî dewa Demka de ameyî cakerdene.

Bombardumanî;

29 û 30ê nîsane de Warê Xoverdayîşî yê Girê Amediyê û Giê Bahar û Warê Xoverdayîşî yê Şehîd Îbrahîmî yê Zapî,warê Sinînê yê herêma Xakurkê,Warê Xoverdayîşî yê Dergelê yê Metîna 12 rey bi teyarayanê şerî dîyayî bombayan ver. 29 û 30ê nîsane  û 1ê gulane de warê Serê Metîna, Şêlazê, Dergelê, Golka, Qesrokê û Warê Xoverdayîşî yê Girê Hakarî yê yê herêma Metîna bi helîkopteranê hêrişî dîyayî bombayan ver.”