Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Metîna

''Hêzanê ma yê YJA Starî 27ê hezîrane de Qirrika Girê Azadî de vera îşxalkeran çalakîya sûîqastî kerde. Çalakîye de îşxalkerêk ame cezakerdene. Eynî roje çalakîya sûaqatî ke erazîya Gundê Êzidîyan de ameye kerdene de zî îşxalkerêk ame cezakerdene.  Reyna Qilê Şehîd Çîyayî de zî çalakîya sûîqatî ameye kerdene û îşxalkerêk ame cezakerdene. Dima ra nê qilî de radarêk ame îmhakerdene. Îşxalkeran saetanê şanî de herême bombarduman kerde û hêzê xo tîya de bedilnayî. 7ê hezîrane de çalakîya bîne zî Qilê Koordîne de ameye kerdene. Çalakîya koordînekerdîye de mewzîyêka çeka A4î pîya bi îşxalkerê ke tede bî di hetan ra ameye pirodayene. Tîya 2 îşxalkerî ameyî cezakerdene.

Avaşîn

27ê hezîrane de saetanê şewe de warê Girê Silêmanî, Tabûra Ereban û Girê Sorî de têgêrayîşê teyarayan qewimîya û warê Werxelê û Kîlîse pê helîkopteran ameyî bombardumankerdene. Eynî roje saetanê serê sibayî de îşxalkeranê ke cehd kerd ke pê bombayanê gazî debikewê mewzîyanê şerî yê warê Girê Sorî hetê hêzanê ma ra ameyî vergirewtene.

Bombardumanî

27ê hezîrane de Qilê Berbizina yê warê Goşînê yê herêma Xakurkê, warê Karkerî yê herêma Zapî û warê Werxelê yê herêma Avaşînî pê teyrayanê şerî ameyî bombardumankerdene. Warê Herfa Tyî ya Zapî zî pê helîkopteranê hêrişî ame pirodayene. Reyna  erazîya dewanê Kêste, Hirorê û Birifka yê Metîna zî pê obusanê ke qereqolanê sînorî ra ameyî eştene, ameye bombardumankerdene. Nê hêrişîdan de vînîbîyayeyê ma çîn ê.''