Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî de nê ameyî parekerdene:

''Çarçewa Hemleya Şorişgêre ya Cengê Xabûrî de 15ê tebaxe de Girê Koordîne yê herêma Metîna de îşxalkerî bi çalakîya koordînekerdîye ameyî pirodayene. Çalakîye de tewr tay 7 îşxlakerî ameyî cezakerdene û 4 îşxalkerî birîndar bîyî. Badê çalakîye artêşa tirke pê helîkopteran merde û birîndarê xo herême ra kiriştî.

Na çalakîya serkewtîye pê ruhê serkewtişî yê fermandarê ma yê bêmergî Edîgî  semedê selamkerdişê Hemleya 15ê Tebexe ameye kerdene.

15ê tebexa de mewzîyê şerî yê warê Girê Sorî yê herêma Avaşînî pê çekanê giranan ameyî bombardumanekerdene. Reyna vera tunelanê şerî yê warê Werxelê bombarduman ame kerdene û  4 ray gazê axuyînî ameyî şuxulnayene. Herême ser o falîyetê feşîfî dewam kenê. Hetê bînî ra artêşa tirke waranê Mervanos û Tabûra Ereban de hêzê xo bedilnayî.

Eynî roje warê Qaşûra yê Metîna de têgêrayîşê helîkopteran qewimîya û dewa Hirorê ya Kanî Masî ameye bombardumankerdene. Netîceya hêrişî de şewato ke vejîya dewam keno.

14ê tebaxe de warê Karkerî yê herêma Zapî pê teyarayanê şerî ame bombardumankerdene. 16ê tebaxe de warê Çewço qereqolanê sînorî ra pê obusan ame pirodayene.''