Stêrk TVyî derheqê Menga Şehîdan de fermandaran û gerîlayanê ke Akademîya Hakî Karerî de perwerde gênê reyde qisey kerd.

Fermandaranê YJA-Starî ra Jindare Çayan vat: ''Manga gulane seba şarê Tirkîya û Kurdîstanî menga xoverdayîşî ya. Na menge de xoverdayîşî reyde şehadetê pîlî bîyî. Gulana 1977î de Hakî Karer zî amebi şehîdkerdene. 

Fermandaranê YJA-Starî ra Şerda Mazlum Gabar vat: ''Şorişgêranê Tirkîya ma rê rayberîye kerde, kerd ke ma dinya bişinasnê. Girîng nîyo ke ma vanê se la girîng o ke ma senî şer kenê û ciwîyenê. Ma do serra 2020î xoverdayîşê raştîye ra azade bikerê û vatiş û mana bikerê yew. Ma do sozo ke dayê Hakî Kareran bîyarê ca.''

Rustem Amed: ''Embaz Hakîyî fikrê Rayber Apoyî fam kerdêne û nê fikrî pratîze kerdêne. Coka ame hedefkerdene. Xeyalê mi bi ke ez Akademîya Hakî Karerî de perwerde bivîna. Naye ra tîya de bîyayîş seba mi zaf manadar o. Ma do şexsê Hakî Karerî de qesasê embazanê xo bigêrê.

Fermandaranê HPGyî ra Hawar Suruçî vat: ''Eke ma ewro hetê leşkerî ra resayî na aste, tede kedaya Hakîyan, Kemalan, Ferhat Kurtayan pîl a. Ma înan ra musayî ke senî têkoşîn bikerê. Her roja gulane nîşaneya xoverdayîşî ya. 2ê gulane de heman wextî de roja şehadetî ya Mehmet Karasungur û Îbrahîm Bîlgînî ya. Embaz Mehmet Karasungur fermandarêk û rayberêk bi ke seba ke xeta leşkerî bêra caardene xîret kerd. O wexto ke seba yewîya kurdan xîret kerdêne bi şehîd. Pê na wesîle ma reyna ey û embazan yad kenê.