Merkezê Îrtîbatî û Çapemenîye yê HPG derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Hemleya Şorişgêre ya Egîdanê Botanî

''3ê temmuze de îşxalkerê ke waranê Beqê, Derîyê Berana û Derîyê Qaçê yê herêma Kota Jîrka ya Botanî de falîyetê damî rayraberdene hetê hêzanê ma ra verî gerîyayî binê kontrolî pey ra  warê Meydanê Casusanî de di hetanî ra ameyî pirodayene. Çalakîya koordînekerdîya ke hetê hêzanê ma yê YJA Starî ra ameye kerdene de 3 îşxalkerî ameyî cezakerdene.

4ê temmuze de qezaya Dihê ya Sêrtî de wesayîto zirxin ê tîpê Kîrpî yo ke ver bi Qereqolê Tiryanî yê warê Garîsa şîyêne  bi taktîkê sabotojî ame pirodayene.  Netîceya çalakîye de wesayît bi temamî ame îmhkerdene û 10 îşxalkerê ke tede bî ameyî cezakerdene.

Hemleya Şorişgêre ya Cengê Xabûrî

7ê temmuze de îşxalkerê ke Qilê Zendûra yê Metîna de bî vera înan çalakîyêke ameye kerdene. Çalakîya ke îşxalkerî biîsabet ameyî pirodayene de 3 îşxalkerî ameyî cezakerdene û 2 îşxalkerî zî birîndar bîyî. Reyna 1 mewzî û 2 kamarayê mobese zî ameyî îmhakerdene.

Hemleya Şorişgêre ya Bazanê Zagrosî

6ê temmze de warê Girê Silêmanî yê Avaşînî de helîkopteranê hêrişî ke waşt herême bombarduman bikerî hetê hêzanê ma ra ameyî hedefgirewtene. Helîkopteranê ke derbî werdî mecbur mendî ke biremê. 7ê temmuze de îşxalkeranê ke waşt Qilê Şehîd Întîkamî ra ver bi Qilê Şehîd Dijwarî yê Avaşînî şirê vera înan çalakîya sûîqastî ameye kerdene. Çalakîye de îşxalkerêk ame cezakerdene.

Bombardumanî

6ê temmuze de Metînda de  warê Darerê de têgêrayîşê helîkopteran qewimîya û warê dewa Hirorê, Kela Qumrîyê, Gundê Dêşîşê û Koordîneyî bi teyarayanê hêrişî ameyî bombardumankerdene. Avaşîn de zî warê Stunê û  tunelê şerî yê Werxelê  pê teyarayanê şerî ameyî bombardumankerdene. 7ê temmuze de dewa Maya ya Metîna pê teyarayanê şerî ameye bombardumankerdene. Nê hêrişan de vînîbîyayeyê ma çîn ê.''