Gerîlayan reyna da piro: 5 îşxalkerî ameyî kiştene
Gerîlayanê HPG û YJA Starî Heftanîn û Xakurkê de da îşxalkeran ro. Tewr tay 5 leşkerî ameyî kiştene, mewzîyêk û kepçeyêk ameyî îmhakerdene.
Gerîlayanê HPG û YJA Starî Heftanîn û Xakurkê de da îşxalkeran ro. Tewr tay 5 leşkerî ameyî kiştene, mewzîyêk û kepçeyêk ameyî îmhakerdene.
Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişê artêşa tirke de zanayîş da.
Eşkerayîye de nê ameyî parekerdene:
''Çarçeweya Hemleya Şorişgêre ya Cengê Heftanînî de hêzanê ma 11ê tebaxe de Qilê Şehîd Berxwedanî yê warê Xantûrî de vera îşxalkeran çalakîyêke kerde. Çalakîya ke mewzî û stargehê dişmenî di hetanî ra bitesîr ameyî pirodayene de 3 leşkerî ameyî cezakerdene.
Eynî roje çarçeweya Hemleya Şorişgêre ya Şehîd Bager û Şehîde Ronya vera artêşa tirke çalakîyî ameyî kerdene. Na çarçewe de; Qilê Şehîd Şahanî yê Xakurkê ya Herêmanê Pawitişî yê Medya de îşxalkerî ameyî pirodayene. Çalakîya ke mewzîyê dişmenî bitesîr ameyî pirodayene de mewzîyêk ame îmhakerdene û leşkerêk ame cezakerdene. Qezaya Çelê ya Colemêrgî de îşxalkerê ke Qilê Şîfreza de ameyî cakerdene hetê hêzanê ma ra ameyî pirodayene. Çalakî de kepçeyêk ame îmhakerdene û leşkerêke ame cezakerdene.
Artêşa tirk a îşxalkere 11ê tebaxe de hêrişê Herêmanê Pawitişî Medya kerd. Metîna de warê Yekmalê û Zap de warê Cilê Qijî ameyî pirodayene. Nê hêrişan de vînîbyayeyê ma çîn ê.''