Merkezê Çapamenî û Îrtîbatî  yê HPG’yî da zanayene ke hêzanê înan 16’ê Adare de vera artêşa Tirkî çalakîyê hemwextî viraştî, tewr  tay 23 eskerî ameyî kiştene û nê pare kerdî:

''16’ê Adare saetanê serê sibayî de herra Başûrê Kurdistanî de Qilê Lêlîkan, Kevortê û Elîdirajî yê pabesteyê Sîdekanî de çalakîyê hemwextî ameyî viraştene.

SÎDEKAN DE 23 ESKERÎ AMEYÎ KIŞTENE

Qilê Kevortê de yewîyê dişmenî 4 hetan ra bi hawayêkê bitesîrî ameyî prodayene. Nêtîceyê çalakîyan de 10 mewzî temamî de ameyî îmhakerdene û fermandarê qilêkî zî tede 13 eskerî ameyî kiştene, 10 eskerî zî bîyî birîndar. Qilê Lêlîkan û Elîdirejî de zî mewzîye dişmenî ameyî prodayene. Xeylî mewzîyî ameyî îmhakerdene la derheqê merde û birîndar eskeran de zanayîş nêame girewtene. Çalakî ra dima artêşa Tirkî  Qilê Kevortê, Çemê Lolanî, Çemê Xakurkê, Faxir, û herêmê Lêlîkanî bombardûman kerdî. Bado zî bi helîkopteranê Skorsky merde û birîndarê xo kiriştî.

MEDYAYA TIRKÎ MERDEYANÊ XO NIMNENA

 Na çalkîye de 5 embazê ma ke qehremankî şer kerd û tewrê kerwanê şehîdan bîyî, nasnameyê înan ma do dima ra rayeporîyî de pare bikerê. Sey tim Medyaya Şerî yê Tirkî na çalakîya ma zî xelet daye û merdeyê xo nimitî. Şarê ma ganî vera medyaya Tirkî hîşar bo.‘‘

BAZÎD DE ESKERÊK AME KIŞTENE

HPG’yî da zanayene ke qezaya Bazîdî ya Agirî de zî hêzanê înan çalakîyêk viraşta û vat ke çarçeweya Hamleya Serkewtişî ya Şorişgêrî ya ke Eyaletê Serhatî de yena domnayene, Bazîd de 16‘ Adare de  çalakîya sûîqastî ameye viraştene. Çalakîya ke vera qeraqolê Vedat Ozkayayî de ameye viraştene de ekerêk ame kiştene.

Garîla TV’yî dîmenê  çalakîya Sîdekanî pare kerd.