Merkezê Îrtîbatî û Çapemenîye yê HPGyî derheqê çalakîyanê Xakurkê û Metîna de eşkerayîye daye.

HPGyî vat, ''Gerîlayê Azadîye yê Kurdîstanî yê ke her serrewext û şertan de her ca de bi ruhê fedayî yê Apoyî şer kenê, Xakurkê de Operasyono Şorişgêr ê Şehîd Ahmed Rûbarî û Metîna de çalakîyê gerîlayan ê bikoordîneyî kerdî û derba girane daye îşxalkeran ro. Hêzanê ma bi gerîlatîya modernîteya demokratîke û taktîkanê zengînan ê gerîlayan şertanê zimistanî de zî performansê xo ramojna. Operasyonê şorişgêrî yê  Xakurkê ke bi nameyê fermandarê serkêşî yê artêşa ma Şehîd Ahmed Rûbarî ame kerdene, hêzê ma nê qilî de heme îşxalkerî tesfîye kerdî, qil girewt binê kontrolî û şîyî cenazayanê 17 îşxalkeran ser. Çalakîye de 27 îşxalkerî ameyî cezakerdene û xeylêk çeke û malzemeyo leşkerî ameyî  destsernayene û îmhakerdene. Çalakîya Metîna de zî 9 îşxalkerî ameyî cezakerdene.''

Eşkerayîye de derheqê detayanê çalakîyan gerîlayan û hêrişê artêşa tirke de nê ameyî parekerdene:

Herêma Xakurkê

''22ê kanûne de saetanê cemê şanî de Girê Şehîd Kamuran û Girê Şehîd Heqî de vera îşxalkeran Operasyono Şorişgêr ê Şehîd Ahmed Rûbarî ame kerdene. Çarçewaya operasyonî de verî îşxalkerî bi çekanê giranan ameyî pirodayene û mewzîyêke ameye îmhakerdene. Girê  Şehîd Kamûranî hêzê ma şîyî îşxalkeran ser, kewtî mewzîyanê înan 5 mewzî û 2 xeymî dayî war. Operasyon de 27 îşxalkerî ameyî cezakerdene û hêzê ma şîyî 17 cenazayanê îşxalkeran ser. Hêzanê ma dest na çekanê îşxlakeran ser û vera înan şuxulnayî. Hêzanê ma heme îşxalkerî tesfîye kerdî û nîm saete no war binê kontrolî de tepişt. Hemrayê ma Memyanî ke bêters operasyonî rê serkêşîye kerdêne, gama ke şiyênî dişmenî ser şehîd bi

Dewleta tirke reyna mergê leşkeran şarî ra nimitî. Têna nameyê  Ramazan Gunay, Mehmet Serinkan, Çagatay Erenoglu, Yasin Karaca, Emre Taşkin, İsmail Yazici. eşkera kerdî la nê operasyonî de 27 îşxalkerî ameyî cezakerdene. Reyna leşkerê payeberzî sey  Yavuz Tunç, Samet Emir Sapan, Îbrahim Parildar, Emrullah Yildirim, Mehmet Ali Bozkurt û leşkero bipere Hasan Huseyin Keskin birîndar bîyî.

Herêma Metîna

22ê kanûne de  Warê Xoverdayîşî yê Girê Ortê de çalakîya bikoordîne ameye kerdene. Îşxalkerî mesafeyo nêzdî ra bi bombayanê destan û çekanê ferdîyan ameyî pirdayene. Çalakîye de 9 îşxlakerî ameyî cezakerdene. Reyna 4 xeymî, 2 mewzî û 1 kameraya mobese ameyî îmhakerdene.

Herêma Zapî

20ê kanûne de saetanê serê sibayî de Warê Xoverdayîşî yê Girê Amediyê de bi taktîkê suîkastî 1 kameraya mobese ameye îmhakerdene. Eynî roje Warê Xoverdayîşî yê Girê FMyî de bi taktîkê suîkastî 1 kameraya mobese ameye îmhakerdene.

Çekê qedexeyî

20ê kanûne de mewzîyê şerî yê Şehîd Dîyar û Warê Xoverdayîşî yê Sîda yê herêma Zapî  bi teqaberê qedexeyî û droneyê teqaber barkerdeyî dîyayî bombayan ver.

Bombarduman

20, 21 û 22ê kanûne de Gundê Çemrobotkî, Gundê Yekmalê, Deşta Kafya yê Garê,warê Lolan, Girê Rostê, Goşînê yê herêma Xakurkê, warê Gundê Bêşîlî, Gundê Şêlazê yê herêma Metîna, warê Girê Hîwa, Girê Şehîd Egîd yê Qendîlî 20 rey pê teyarayanê şerî dîyayî bombayan ver. Reyna Zap, Metîna û Xakurkê  bi topan dîyayî bombayan ver.''