Merkezê Îrtîbatî û Çapemenîye yê HPGyî netîceya Operasyonê Şorişgrî yê Şehîd Helmet Dêralokî yê Zapî eşkera kerd.

HPGyî vat: ''Hêzanê ma 12ê çeleyî de Zap de vera îşxalkeran Operasyono  Şorişgêr ê Şehîd Helmet Dêralokî kerd. TewR tay 61 îşxalkerî ameyî cezakerdene û 4 îşxalkerî birîndar bîyî. Reyna xeylêk çeke û malzemeyo leşkerî ameyî destsernayene û  êyê ke peyde mendî heme bi vêşnayîşî ameyî îmhakerdene. Operasyon bi hewayêkê serkewteyî ame temamkerdene. Nê operasyonê  debeya pîlî daye artêşa tirke ro û rejîmê AKP-MHP serûbin kerd. Meydaya şerê tabetî  ya rejîmê faşîstî seba ke heqîqetê şerî yo ke qewimîyeno şarî ra binimno û şoko ke tede ya tira vejîyo  hûmara merdeyan nimite. Artêşa tirke aynî wextî de çayo ke kewte vera erd û hewayî ra da bombayan ver û îdîa kerd ke xeylêk vînîbîyayê ma est ê. Heme vatişê rejîmê faşîstî û artêşa tirke zûr ê. Hemrayê ma Serxwebûn û Rizgar yê ke wextê Operasyînî de û peyra bi hewayêkê qehremankî şer kerd, şehîd bîyî. Têna nê wird hemrayê ma şehîd bîyî. Hinî şehîdê ma çîn ê. Ma nasanmeyê wird hemrayanê xo yê şehîdan dima ra eşkera bikerê.''

HPGyî derehqê çalakîyan û hêrişê artêşa tirke de nê  pare kerdî:

Herêma Zapî;

''12ê çeleyî de saete 17:10 Warê Xoverdyaîşî yê Girê Amediyê de vera îşxalkeran Operasyonê Şorişgerî yê Şehîd Helmet Dêralokî ame kerdene. Verî hetê hêzanê ma yê profesyonelan ê opersyonê şorişgêrî ra  heme mayîn, teknîko leşkerî û telê dormeyê  îşxalkeran ameyî bêtesîrkerdene. Bi hewayêkê hemwextî Warê Xoverdayîşî yê Girê Amediyê de îşxalkerî ameyî hedefgirewtene. Bi înîsîyatîfê hêzanê ma operasyonî dest pêkerd û hêzê ma bi hewayêkê qehremankî şîyî îşxalkeran ser. Operasyon de hêzê ma şîyî 20 cenazayanê îşxalkeran ser. Warê bînî yê îşxlakeran zî bitesîrî bi çekanê giranan, otomatîk û ferdîyan ameyî pirodayene. Hêzanê ma dest na 4 kasayanê bombayanê dişmenî ser û ci şuxulnayî û bi çeka dişmenî da dişmenî ro. Nê operasyonê şorişgêrî de 61 îşxalkerî ameyî cezakerdene. 4 îşxalkerî birîndar bîyî.  Xeymê ke bi tesîrî ameyî poridayene, zereyê înan de zî îşxalkerî ameyî cezakerdene la hûmara înan safî nêbîye. Reyna xeylêk çeke û malzemeyo leşkerî ameyî destsernayene û  êyê ke peyde mendî heme bi vêşnayîşî ameyî  îmhakerdene.

Operasyon de hemrayê ma Serxwebûn û Rizgar bi ruhê Apoyî û cesaretê xurtî şer kerd û tewrê kewanê şehîdan bîyî. Têna nê wird hemrayê ma şehîd bîyî. Hinî şehîdê ma çîn ê.

13ê çeleyî de Warê Xoverdayîşî yê Girê Amedîye de îşxalkerî bi çekanê ferdîyan ameyî pirodayene. Çalakîye de îşxalkerêk ame cezakerdene. Eynî roje Warê Xoverdayîşî yê Şehîd Îbrahîmî de hêzanê ma yê YJA Starî da îşalkeran ro mewzîyêke ameye derbkerdene.

Hêrişê artêşa tirke ya îşxakere

12 û 13ê çeleyî de warê Şiyê, Girê Zengil yê Garê, warê Ava Lolanê, Xinêreya Jor, Sinînê yê Xakurkê, Warê Xoverdayîşî yê Girê Bahar ê Zapî,warê Bêşîlî, Serê Metîna yê Metîna, warê Balayan, Boblîska yê Qendîlî 23 rey pê teyarayanê şerî dîyayî bombayan ver. Nê hêrişîndan vînîbîyayeyê ma çîn ê. Hetê bînî ra herêmê Zap, Metîna, û Xakurkê pê topan dîyayî bombayan ver.''