Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Çarçewa Hemleya Şorişgêre ya Bazanê Zagrosî de;

14ê teşrîna verêne de qezaya Çelê ya Colemêrgî de vera Qereqolê Şikêrî çalakîyêke ameye kerdene. Hêzanê ma bi taktîkê sûîqastî da îşxalkeran ro. Na çalakîye de îşxalkerêk ame cezakerdene. Eynî roje warê Kela Bedewê yê herêma Zapî de mewzîya A-4î hetê hêzanê ma ra ameye pirodayene. Na çalakîye de mewzîyêke û çekêka A-4î ameyî îmhakerdene û 2 îşxalkerî ameyî cezakerdene. Reyna Girê Koordîne yê Zapî de îşxalkerî pê çekanê giranan ameyî pirodayene.

Nê çalakîyê ke hêzanê ma kerdî semedê qesasgirewtişê Şehîd Fermandar Cumalî Çorum û şehîdanê Werxelê yê ke hêrişê çekanê kîmyewîyan de şehîd bîyî ameyî kerdene.''

HPGyî da zanayene ke 14ê teşrîna verêne de zî vera Herêmanê Pawitişî yê Medya hêrişanê hewayî dewam kerd. Eşkerayîye de ame vatene ke warê Sîda, Şehîd Şahan, Cîloya Biçûk, Şamkê, Tîpa Tyî, Kûnîşka û Çiyayê Reşyî yê Zapî pê teyarayanê şerî û saetanê şewa  eynî roje de warê Tîpa Tyî pê helîkopteranê hêrişî dîyayî bombayan ver. Reyna Girê Rostê yê warê Goşîne ya herêma Xakûrkê û pê teyarayanê şerî û Warê Stûnê, Girê Şehîd Elî, Geliyê Basya û Kartalî yê Avaşînî pê helîkopteranê hêrişî dîyayî bomayan ver.