Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Metîna de;

13ê teşrîna verêne de Girê Azadî de îşxalkerî hetê hêzanê ma ra pê çekanê giranan ameyî pirodayene. Na çalakîye de hedefî bi hawayêkê serkewteyî ameyî pirodayene la hûmara kişte û birîndaran nêameye tesbîtkerdene.

Çarçewa Hemleya Şorişgêre ya Bazanê Zagrosî de herêma Avaşînî de;

13ê teşrîna verêne de Girê Silêmanî de îşxalkerî hetê hêzanê ma ra pê çekanê giranan ameyî pirodayene. Na çalakîye de hedefî bi hawayêkê serkewteyî ameyî pirodayene.

14ê teşrîna verêne de dewê Rençbiraxa û Çemçoyî yê Zapî dîyayî bombayan ver. 13ê teşrîna verêne de warê Werxelê yê Zapî, warê Stûne yê Avaşînî û dormeyê awa Lolanî, Kendekola û Sinînê yê Xakûrkê dîyayî bombayan ver.

Ajanê dewleta tirke herêma Metîna de semedo ke cayanê hêzanê ma tesbît bikerê tay karan kenê. Ma venga şarê xo danê ke semedo ke ma nê ajanan û şarê xo yewbînan ra cîya bikerê zaf nêzdîyê noqtayanê hêzanê ma nêbo û vera nê ajanan hîsger bibo.''