HPG: Avaşîn de vera îşxalkeran çalakîyê bitesîrî ameyî kerdene

Merkezê Îrtîbatî û Çapemenîye yê HPGyî pare kerd ke Avaşîn de vera artêşa tirke ya îşxalkere çalakîyê bitesîrî ameyî kerdene û tewr tay 3 îşxalkerî ameyî cezakerdene.

Merkezê Îrtîbatî û Çapemenîye yê HPGyî derheqê çalakîyanê gerîlayanê Avaşînî û hêrişanê hewayî yê dewleta tirke de agahîyî dayî. Eşkerayîya HPGyî wina ya:

''Çarçewa Hemleya Şorişgêre ya Bazanê Zagrosî de herêma Zapî de;

-11ê teşrîna verêne de saete 09.00 de hêzanê ma Kela Bedewê de vera îşxalkeran çalakîyêka bitesîre kerde. Na çalakîye de hêzanê ma da mewzîya bombaeştoxe ya îşxalkeran ro û netîceya ci de 3 îşxalkerî ameyî cezakerdene. Çekêka bombaeştoxe û mewzîyêk ameyî îmhakerdene.  Na çalakîye semedê vîrardişê Şehîd Cumalî Çorumî  ameye kerdene ke hêrişanê çeka kîmyewîye de Werxelê de şehîd bi.

-11ê teşrîna verêne de herêma Zapî, warê Koyê Reşî, dormeyê Dola Heva Cuma yê warê Golka yê herêma Metîna, dormeyê Çemê Lolanî yê Xakûrkê, warê Werxelê û warê Sinînî dîyayî bombayan ver.

-12ê teşrîna verêne de xeta Qaşûrî ya Metîna de û waranê Merwanos, Tabûra Ereban û Banista de têgêrayîşê helîkopteran qewimîya. Heman roje Girê Mozella zî dîya bombayan ver.''