Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî de nê ameyî parekerdene.

''10ê teşrîna verêne de helîkopteranê hêrişî ke waştêne Warê Xoverdayîşî yê Werxelê yê Avaşînî bombarduman bikerî hetê hêzanê ma ra ameyî pirodayene, helîkopterêk ame derbkerdene. Dima ra Girê Werxelê yê Zapî de helîkopterê hêrişî hîrê hetan ra pê çalakîya koordînekerdîye ameyî pirodayene. Netîceya çalakîye de helîkopterêk ame derbkerdene. Reyna warê Şehîd Şahanî yê Zapî de hêrişîkopterê hêrişî ameyî hedefgirewtene. Netîceya nê çalakîyan de helîkopterî herême ra kewtî dûrî.

9ê teşrîna verêne de waranê Girê Silêman, Mervanos, Mamreşo, Tabûrê Ereban, Wexelê û Banîsta yê Avaşînî de  têgêrayîşê helîkopteran qewimîya û Girê Şehîd Rizgar, warê Girê Şehîd Fırat, Girê Şehîd Întîkam, dewa Dirê, Geliyê Basya, Kartal û Werxelê pê teyarayanê hêrişî dîyayî bombayan ver. Eynî roje xeta Qaşûna ya herêma Metîna de têgêrayîşê helîkopteran qewimîya û dormeyê dewanê Hirorê, Dêşîşê, Serarû, Kêste û warê Koordîne pê helîkopteranê hêrişî dîyayî bombayayan ver. 10ê teşrîna verêne de dewa Horê ya ke warê Çîyayê Reşî û Şehîd Rûstemî yê Zapî de ya pê teyarayanê şerî dîyaye bombayan ver.''