Merkezê Îrtîbatî û Çapemenîye yê HPGyî eşkerayîyêka nuştekîye daye û derheqê çalakîyanê gerîlayan û hêrişê artêşa tirke de nê pare kerdî:

''8ê teşrîna verêne de warê Mervanos û Girê Şehîd Serxwebûnî yê herêma Avaşînî de îşxalkerî hetê hêzanê ma ra pê çekanê giranan ameyî pirodayene. Wird çalakîyê ke çarçewa Hemleya Şorişgêre ya Bazanê Zagorî de ameyî kerdene de hedefê ke ameyî bewlîkerdene biîsabet ameyî pirodayene.

7ê teşrîna verêne de waranê Mervanos, Tabûrê Ereban, Werxelê, Girê Sor, Girê Sipî û Girê Silêmanî yê herêma Avaşînî de têgêrayîşê helikopteran qewimîya. Eynî roje warê Girê Şehîd Rizgar, Girê Şehîd Întîkam, Gelîyê Basya  û Warê Xoverdayîşî yê Werxelê pê helîkopteranê hêrişî dîyayî bombayan ver. Reyna Xeta Qaşûra ya herêma Metîna de zî têgêrayîşê helîkopteran qewimîya  û dormeyê dewanê Dêşîşê, Serarû, Kêste û warê Koordîne pê helîkopteranê hêrişî dîyayî bombayan ver. Warê Karkerî yê herêma Zapî zî 8ê teşrîna verêne de hetê teyarayanê şerî ra ame bombardumankerdene.''