Merkezê Îrtîbatî û Çapemenîye yê HPGyî eşkerayîyêka nuştekîye daye û  derheqê çalakîyanê gerîlayan û hêrişê artêşa tirke de nê pare kerdî:

6ê teşrîna verêne de warê Kela Memreşoyî yê Avaşînî de îşxalkerî hetê hêzanê ma ra di hetan ra bi hewayêkê koordînekerdeyî ameyî pirodayene. Netîceya çalakîye de 4 îşxalkerî ameyî kiştene û 3 mewzîyî û sîstemêkê kameraya mobesse yê înan ameyî îmhakerdene. Na çalakîye semedê qesasgirewtişê embazanê ma yê ke Girê Sor û Memreşo de pê çekanê kîmyewîyan ê dewleta tirke ameyî şehîdkerdene, ameye kerdene.

Eynî roje qezaya Çelê ya Colemêrgî de çalakîyêke ameye kerdene. Çalakîya ke vera Qereqolê Şikêrî ameye kerdene de sîstemêkê kameraya mobesse ame îmhakerdene.

Artêşa tirke ya îşxalkere 6ê teşrîna verêne de warê Çîyayê Reşî yê herêma Zapî û warê Memreşoyî yê herêma Avaşînî pê çekanê giranan da bombayan ver. 7ê teşrîna verêne de herêmê Kunîşka û Sîda yê herêma Zapî pê teyarayanê şerî dîyayî bombayan ver.