Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Botan

''22ê temmuze de herêma Besta de dormeyê Gunde Omyanîsî de îşxalkerê ke semedê pawitişê rayîro ke semedê îşxalî yeno viraştene pawetene hetê hêzanê ma ra ameyî pirodayene. Hêzê ma pê bombayanê destî û çekanê ferdîyan şîyî dişmenî ser û bi hewayêkê bitesîrî da piro. Çalakîya serkewtîye de tewr tay 7 îşxalkerî ameyî cezakerdene. Îşxalkeranê ke meyîtê xo saetanê şewe de pê helîkopteran wedaritî 23ê temmuze de herêma çalakîye daye bombayan ver. No operasyon 28ê temmuze de peyser ame antene. Hêzanê ma yê Botanî na çalakîye semedê selamkerdişê têkoşînê tunelanê şerî kerde.

Zap

29ê temmuze de Warê Xoverdayîşî yê Çemçoyî de îşxalkerê ke ver bi tunelanê şerî yê Şehîd Adilî şiyênî bi taktîkê sûîkastî û çekanê ferdîyan di rey têdima ameyî pirodayene. Çalakîyan de 2 îşxalkerî ameyî cezakerdene.

Bombarduman

Artêşa tirke ya îşxalkere 29ê temmuze de  mewzîyê şerî yê Warê Xoverdayîşî yê Girê FM û Girê Amedîyê pê bombayanê taktîk nukleer û çekanê kîyewîyan 11 rey dayî bombayan ver. Reyna Warê Xoverdayîşî yê Werxelê, Çemço, Şehîd Adil, Girê Hakarî, Çemço, Saca Girê FMî pê helîkopter, teyara û obusan dîyayî bombayan ver. Girê Hakarî de şewato ke vejîya dewam keno.''