20 ciwanê kurdan ê ke tewrê refanê gerîlayan bîyî û perwerdeyê xo temam kerd, venga şarê kurdî, ciwanan û rayapêroyîye da.

Ciwanan eşkerayîya xo de ard ziwan ke ê sey ciwananê welatperweran vera polîtîkaya qirkerdişî ya dewleta tirke û selamkerdişê serrgêra 46. ya PKKyî tewrê refanê gerîlayan bîyî.

Gerîlayan wina vat: ''Ma vera zûranê şerê taybetî yê dewleta tirke ameyî tîya. Ganî ciwanê kurdan nê sey nimûne bîgêrê. Îşxalkerîye her çîya ver têna pê têkoşînê xurtî yê refanê gerîlayan eşkena bêra qedînayene.  Coka ma veng danê heme ciwananê kurdan; wa bêrê tewrê refanê gerîlayan bibê. Ma pêro pîya Rayberîya xo fîzîkî azad bikerê, welat û şarê xo bixelisnê.  Xelisnayîşê Kurdîstanî têna pê têkoşînê leşkerî yê refanê PKKyî mumkun o. Serkêşîye û berpirsîyarîya nê bêşik aîde ciwananê kurdan a. Wa ê zî hole bizanê ke ; her tewrbîyayîşê gerîlayan vera dişmenî ke gonî rişneno yew derbe ya. Nê semedî ra bêrê ma pêro şerê azadîye xurt bikerê û ser bikewê.''