Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke ke eşkerayîye daye.

Eşkerayîya HPGyî de nê ameyî parekerdene:

''5ê tebaxe de qezaya Xozatî ya Dêrsimî de vera îşxalkeran çalakîye ameye kerdene. Yewîya artêşa tirke ya  ke dormeyê dewa Çakmakli de falîyetê mîyanî kerdêne hetê hêzanê ma yê YJA Starî ra gerîyaye binê kontrolî û di hetan ra ameye pirodayene. Baskê yewinî pê çekanê ferdîyan mesafeyo nêzdî ra da piro û îşxalkerêk ame cezakerdene û xeylêk zî birîndar bîyî. Baskê diyînî zî nêzdî ra da mewzîyêke ro la humara merde û birîndaran zelal nêbîye. Îşxalkeran badê çalakîye herême bombarduman kerde û yewîyê xo yê nimiteyî Xozatî ra peyser antî.

Na çalakîye semedê vîrardişê fermendaranê ma yê bêmergan Zîne Cizîr û Yilmaz Dêrsimî yê ke Dêrsim de şehîd bîyî, ameye kerdene.

5ê tebexe de  de waranê Girê Sorî, Mervanos, Tabûrê Ereban ê Avaşînî de têgêrayîşê helîlopteran qewimîya. Helîkopteranê ke waşt warê Girê Sorî bombarduman bikerê hetê hêzanê ma ra ameyî pirodayene. Helîkopteranê ke derbî werdî mecbur mendî ke peyser agêrê. Eynî roje warê Werxelê de tunelê şerî pê madeyanê teqnayîşî ameyî bombardumankerdene û reyna gazê kîmyewîyî ame şuxulnayene. Herême de gêrayîşê Droneyan zî qewimîya.

5ê tebaxe de warê Kurojahro, Sîda, Saca û dewa Rênçbiraxa pê teyarayanê şerî ameyî bombardumankerdene.