Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê artêşa tirke de eşkerayîye daye û nê pare kerdî:

Hemleya Şorişgêra ya Cengê Xabûrî-Metîna

''28ê Hezîrane de hêzanê ma yê YJA Starî Qilê Serdarî de vera îşxalkeran pê çekanê giranan çalakîye kerde. Çalakîya ke hedefî biîsabet ameyî pirodayene de hûmara merde û birîndaran ê îşxalkeran zelal nêbîye.  Badê çalakîye îşxalkeran herême bombarduman kerde û bi Skorskyan merde û birîndarê xo kiriştî.

Hemleya Şorişgêre ya Bazanê Zagrosî

27ê hezîrane de Qilê Şehîd Kamûranî yê Avaşînî de kamerayê mobesseyanê ke artêşa tirke tîya ca kerdî bî hetê hêzanê ma yê YJA Starî ra ameyî îmhakerdene.

Eynî roje qezaya Gerverî ya Colemêrgî de hêzanê ma yê YJA Starî çalakîyêke kerde.  Îşxalkerê ke Girê Îxanetê yê Qereqolê Wargenima de ameybî cakerdene ameyî hedef girewtene. Di mewzîyî biîsabet ameyî pirodayene. Çalakîya serkewtîye de 3 îşxalkerî ameyî cezakerdene. Xeylêk zî birîndar bîyî.

Nê çalakîya ke çarçewe hemleyanê şorişgêran de ameyî kerdene semedê vîrardişê serrgêra şehadetê fermandara ma ya bêmerge Şehîde Zîlane (Zeynepe Kinaci) ameyî kerdene.

Bombarduman

25ê hezîrane de warê Sîda yê herêma Zapî pê teyarayanê şerî ame bombardumankerdene.  27ê hezîrane de vera mewzîyanê şerî yê warê Girê Sorî yê herêma Avaşînî teqayîşî ameyî kerdene. 28ê hezîrane de warê Kela Qumrîyê yê warê Metîna pê helikopteranê hêrişî ame bombardumankerdene. Nê hêrişan de vînîbîyayeyê ma çîn ê.''