Merkezê Îrtîbatî û Çapemenîye yê HPGyî derheqê hêrişê artêşa tirke û çalakîyanê gerîlayan de eşkerayîye daye û nê pare kerdî:

''Tay çalakîyê ke eyaletê Serhdarî de ameyî kerdene, derheqê înan de zanayîş newe resa destê ma. Goreyê nayî; 19ê çeleyî de mintikaya Demîrkapi ya warê Glîdaxî yê  eyaletê Serhadî de artêşa tirke operasyono hîra da destpêkerdene. Îşxalkeranê ke erazî de falîyetê cigêrayîşî kerdêne hetê hêzêna ma ra ginayî dame ro.  Çalakîya sabotajî de îşxlakerêk ame cezakerdene û 3 îşxalkerî birîndar bîyî. No operasyon 28ê çeleyî de destveng peyser ancîya.

9ê nîsane de warê Glîdaxî de hêzê ma yê ke wezîfeyî ser bî hetê kamarayanê ke erazî de ameyî cakerdene ra ameyî antene. 11ê nîsane de hêzê ma yê YJA Starî rê dame ameye ronayene la hêzê ma dame ra xelisîyayî. Dima ra mabênê îşxalkeran û hêzanê ma de pêkewtiş qewimîya. Pêkewtiş de 2 îşxalkerî ameyî cezakerdene. Nê pêkewtişî de vînîyayeyê ma çîn ê.  

26ê nîsane de mintikaya Hallacî ya warê Giîdaxî de vera yewîyêka îşxlakeran çar hetan ra koordînekerde çalakîye ameye kerdene. Na çalkîye de 5 îşxalkerî ameyî cezakerdene. Badê çalakîye îşxalkeran herême bombarduman kerde û merde û birîndarê wedaritî.

Çarçewa ''Hemleya Şorişgêre ya Cengê Xabûrî'' de;

Hêzanê ma yê YJA Starî 16ê gulane de Qilê Azadî yê warê Koordîne yê Metîna de da îşxalkeran ro. Mewzîya ke îşxalkerî tede ameyî pêser hedef ameye girewtene. Çalakîye de 2 îşxalkerî ameyî cezakerdene û 3 zî birîndar bîyî. Badê çalakîye artêşa tirke ya îşxakere warê Koordîne û erazîya dewanê Deşîşê û Serêro pê obusan bombarduman kerde.

Çarçewa ''Hemleya Şorişgêre ya Bazanê Zagrosî'' de;

16ê gulane de îşxalkeran waşt Dola Konferansê ya herêma Avaşînî de xo ca bikerê. Nê îşxalkerî têdima bi çalakîyan ê sûîqestî û derbkerdişî ameyî pirodayene. Saetanê veraşanî de îşxalkeranê ke cehd kerdêne ke bikewê mewzîyanê şerî hetê hêzêna ma ra ameyî hedefgirewtene. Tîya îşxalkerêk ame cezakerdene. Îşxlakeranê ke derbe girewte peyser ancîyayî.

Hêrişê hewayî

Artêşa tirke ya îşxalkere bi teyarayanê şerî  hêrişê Herêmanê Pawtişî yê Medya kerd.  16ê gulane de Qilê Şehîd Serxwebûnî yê herêma Zapî de pê helîkopteranê Skorskyî leşkerî ameyî cakerdene.  Eynî roje warê Mamreşoyî, Mervanos, Şuke û Şehîd Dilgeşî de  têgêrayîşê helekopteran estbi. 17ê gulane de warê Meyrokê û dormeyê dewa Sêdarê yê herêma Garê di reyî bi teyarayanê şerî ameyî bombardumnkerdene.''