Gerîlayê Azadîye yê Kurdîstanî çarçewa Hemleya 'Wextê Azadîye' de  hewa û erdî ra derbanê giranan danê artêşa tirke ya îşxalkere ro. Merkezê Îrtîbatî û Çapemenîye yê HPGyî derheqê hêrişan de na eşkerayîye daye:

''Çalakîyanê gerîlayan de 12 îşxalkerî ameyî cezakerdene, 9 îşxalkerî birîndar bîyî. Detayê nê çalakîyan wina yê:

9ê çeleyê 2021î de dewleta tirke ya îşxalkere vera warê Şehîd Kendalî yê eyaletê Amedî operasyonêk da destpêkerdene. Grûba îşxalkeran a operasyonî hetê hêzanê ma ra ameye hedefkerdene û pirodayene. Çalakîye de 3 îşxalkerî ameyî cezakerdene, 2 îşxalkerî ameyî birîndarkerdene. Operasyon 10 rojî dewam kerd û 19ê çeleyê 2021î de bênetîce qedîya.

14ê nîsane de dewleta tirke ya îşxalkere vera warê Şehîd Kendalî ancî operasyonêk da destpêkerdene. Nê operasyonî de pêkewtişê mabênê ma û artêşa îşxalkere 40 deqayan dewam kerd. Embazê ma Mahîr Farqîn nê pêkewtişî de bi çêrî şer kerd û şehîd bi. Embazê ma Dara Bagok zî sey birîndar esîr kewt destê dişmenî. Artêşa tirke ya îşxalkere îdîa kerd ke kişte û 4 birîndarê înan estbîye la na çalakîye zêdêr îşxalkerî ameyî ameyî cezakerdene. Nê operasyonî heta 17ê Nîsane dewam kerd û artêşa îşxalkere neçare mende xo apey bianca. Nasnameyê embazê ma Mahîr Farqînî dima do bêro parekerdene.

Hêzanê ma yê Pawitişê Hewayî yê Şehîde Delale 2ê gulane de girê Zendûra yê Metîna de da îşxalkeran ro. Çalakîye bi serkewtişî qedîyaye.

2ê gulane de îşxalkeran pê bombaya gazî xîret kerd ke debikewê tunelanê şerî yê Girê Zendûra. Hêzanê ma  çarçewa Hemleya Şorişgêre ya Cengê Xabûrî de pê çêrî îşxalkerî bin kerdî û îşxalkeran xo apey girewt.

Çarçewa Hemleya Şorişgêre ya Bazanê Zagrosî de;

2ê gulane de Girê Şehîd Dilgeşî yê warê Mervanosî yê Avaşînî de vera îşxalkeran çalakîyêke ameye kerdene. Çalakîye de 2 mewzîyê îşxalkerana meyî pirodayene, 3 îşxalkerî ameyî cezakerdene û îşxalkerêk birîndar bi. Çalakîye ra dima herême dîyaye bombayan ver.

2ê gulane de reyna Girê Şehîd Dilgeşî de îşxalkeran xîret kerd ke debikewê tunelan. Xîretê înan dima vurîya pêkewtişan. Pêkewtiş de mewzîyê dişmenî ameyî pirodayene, gir de pêkewtişê giraî qewimîyayî. Hûmara kişte û birîndaran nêameye zelalkerdene.

2ê gulane de warê Cîloyî yê Zapî de vera îşxalkeran çalakîyêke ameye kerdene. Çalakîye de goreyê tesbîtan îşxalkerêk ame cezakerdene. Heman seatan de  tay îşxalkerî pê taktîkê sabotajî ameyî pirodayene. Na çalakîye de zî 4 îşxalkerî ameyî cezakerdene, 2 îşxalkerî birîndar bîyî. Wird çalakîyan de bi temamî 5 îşxalkerî ameyî cezakerdene û 2 îşxalkerî zî birîndar bîyî.

Îşxalkerê ke pê xoverdayîşê hêzanê ma nêeşkenê warê Zap, Avaşîn û Metîna pê teyarayanê şerî û helîkopteran dayî bombayan ver. Îşxalkerî vera tunelanê ma yê şerî bêçare mendî coka pê gazê kîmyewî tunelan danê bombayan ver.

Detayê bombardumanî wina yê:

2ê gulane de Girê Şehîd Serdarî yê Avaşînî pê gazê kîmyewî, warê Dola Konferansî yê Avaşînî pê teyarayanê şerî 2 reyî dîyayî bombayan ver. Heman roje warê Mamreşoyî yê Avaşînî de pê helîkopteran leşkerî ameyî warardene. Şewa 2ê gulane de zî warê Qela Bêdewê yê Zapî pê helîkopteran dîya bombayan ver. Reyna warê Zendûra, Kêste û Derarê yê Metîna dîyayî bombayan ver.

3ê gulane de warê Qela Bêdewê yê Zapî û 3 reyî zî zî Girê Zandûra pê teyarayanê şerî dîyayî bombayan ver.

Nê bombardumanan de zerarêk nêresa hêzanê ma ser.''