Merkezê Îrtîbatî û Çapemenîye yê HPGyî derheqê hêrişê îşxalî û çalakîyanê gerîlayan de eşkerayîye daye.

Eşkerayîya HPGyî wina ya:

''Çarçewa Hemleya ''Dem Demê Azadîye yo'' de hêzanê ma vera îşxalkeran çalakîyê bitesîrî viraştî.

Çalakîyê ke hêzanê kerdî detayê ci wina yê;

Hêzanê Pawitişî yê Hewayî yê Şehîde Delale 7ê gulane de Metîna de vera îşxalkeranê ke Qilê Zendûra de ameyî cakerdene di çalakîyî kerdî. Wird çalakîyan de zî hedefî biîsabet ameyî pirodayene.

Çarçewa ''Hemleya Şorişgêre ya Bazanê Zagrosî'' de;

7ê gulane de Qilê Şehîd Mûnzûrî yê warê Mamreşoyî yê herêma Avaşînî de vera îşxalkeran pê çekanê giranan çalakîyêke ameye kerdene. Çalakîye de hedefî biîsabet ameyî pirodayene. Eynî roje îşxalkerê ke warê Aris-Farisî yê Avaşînî ameyî cakerdene pê çekanê giranan ameyî pirodayene. Mewzîyê îşxalkeran biîsabet ameyî pirodayena. Badê çalakîye îşxalkeran dola Avaşînî bombarduman kerde. Saetanê şanî yê 7ê gulane de îşxalkerê ke rixmê bombardumanî nêekeyê bikewê tunelanê şerî yê warê Aris-Farisî gazê axuyinî şuxulnayî ke avêr şirê. Hêzanê ma masefeyê nizdîyî ra da înan ro. Îşxalkeranê ke vînîkerdişê pîlî dayî mecbur mendî ke tunelan ra bikewê dûrî. Îşxalkeran seba ke netîce nêgirewt 8ê gulane de saetanê serê sibayî de reyna vera tunelan gazê kîmyewîyî şuxulna. Rixmê heme hêrişanê artêşa tirke û metodanê ci yê leyminan ê şerî hêzê ma derbanê pîlan danê îşxalkeran ro.

Çarçewa ''Hemleya Şorişgêre ya Cengê Xabûrî'' de;

6ê gulane de îşxalkerê ke Qilê Şehîd Berxwedanî yê warê Xantûrî yê Heftanînî de ameybî cakerdene hetê hêzanê ma yê YJA Starî ra bi taktîkê sabotajî ameyî pirodayene. Badê çalakîye artêşa tirke herême bombaduman kerde.

Hêrişê hewayî

Bombardumanê artêşa tirke yê vera Herêmanê Pawitişî yê Medya dewam kenê. 7ê gulane de dormeyê Gundê Hirorê, Zinarên Kêste û Gundê Kêste yê herema Metîna û warê Kunîka yê Zapî û 8ê gulane  de Qilê Zendûra yê herêma Metîna pê teyarayanê şerî ameyî bombardumankerdene. Nê hêrişan de vînîbîyayeyê ma çîn ê.''