Fermandaranê HPGyî Êrîş Garzan û gerîlaya YJA Starî Zîlane Aydin Hemleya 15ê Tebaxe ercnaye.

Êrîş Garzanî sere de şehîdê şorişî yad kerdî û hemle pîroz kerde û vat: ''15ê Tebexe sey guleyê verênî yê vera îşxalkeran yena zanayene. No gule mezgan de teqa. Înanê ke Kurdîstanî ser o planê seseran kerdî vatêne 'kurdî qedîyayî' mezgê înan de teqa. No gule vera bêhêvîya ke şarê kurdî rê dîyayêne musayene teqa. Na hemle Kurdîstan pê hêvîyêka sey adirî roşn kerd. Şarê kurdî ame xo û sere wedarit. Pê felsefeya Rayber Apoyî û serkêşîya hemra Egîdî de no qewimîya. Ewro Kurdîstan de Dêrsimî ra hea Şaho, Miştenûrî ra heta Qendîlî xoverdayîşo şorişgêr esto. No hêzê xo hemleya 15ê Tebexe ra geno.''

Zîlane Aydin zî pê pîrozkerdişê hemle destpê qiseykerdişê xo kerd û nê vatî: ''15ê Tebaxe têna semedê kurdan nê semedê heme şaranê Rojhilatê Mîyanênî manaya pîle îfade kena. Na çalakîye têna vera dişmenî nêbî eynî wextî de rayîrê demokrasî û înşakerdişê komelê ehleqî-polîtîkî akerde. Hemra Egîd keso ke sînaye bi, vindertişê ey komelî ser o zaf tesîr kerd. Şarî ey ra paştî girewt û tewrê têkoşînî bi. Bi hezaran şorişgêran adirê na hemle kerd gir. Ma zî do pê ruhê xoverdayîşî yê Hemleya 15ê Tebexe ke tim rayîrê ma roşn kena  têkoşînê xo bidomnê. Ma pê hêzê xo serkewtişî rê zaf nêzdî bîyî ewro ra tepa zî ma do gamanê pêtan bierzê.''