Gerîlayê HPGyî Erdal Amedî venga ciwananê kurdan da û vat: ''Verê xo bidê koyan.''

Gerîla Amedî ANFyî rê qisey kerd û vat: ''Nê koyan de her roje şer û serkewtişî yenê destvistene. Koyan de, zîndanan û şaristanan de vera şarê ma hêrişî estê. Rayberîya ma destê dişmenî de xoverdayîşêkê pîlî keno. Xoverdayîşê Rayberîya ma ma rê sozê qesasî yo. No sozê qesasî şiknayîşê destê gemarinî yo. Rûmet û kerametê ma welat û şarê ma yo. Ganî şarê ma zî ver xo bido koyan. Çunke warê xopawitişî yê tewr pîlî warê koyan ê. Ganî ciwanê kurdî ça de benê wa bibê kîn û hêrsê vera dişmenî kêm nêkerê. Qesasê xo vîr a mekerê. Verê xo bidê koyan û bibê gerîla. Mil bi mil vera dişmenî şer bikerê, azadîye bivisnê destî. Ma pê ney bawer kenê.''