Gerîlayê HPGyî Omer Bîrsen 28ê temmuza 2018î de Şirnex de pêkewtişêk de şehîd bi. Cenazaya Bîrsenî Goristanê Vakifkentî ra ameye girewtene û berdene bi taxa Kirkincikî ya qezaya Rezanî ya Amedî. Keye rayîrî ra 5 noqtayan de ame vindartene û înan rê testê GBTyî ame kerdene. Cenaze hete keye û roniştoxanê taxe ra şewe binê ablûqaya polîsan de ameye definkerdene.

Dadîya Omer Bîrsenî Munîre Bîrsen seba testê DNA gonî dabî û testî ra di netîceya cîyayî vejîyabî. 12ê êlula 2018î de dabi zanayene ke gonîya dadî û cenaza yewbînan nêtepişenê la 11ê hezîrana 2020î de reyna da zanayene ke netîce se ra 99.9 pozîtîf o, cenaza aîda keyeyî ya.