Gerîlayê HPGyî Komployê 15ê Sibate yê vera Rayberê Şarê Kurdî Abdullah Ocalanî ANFyî rê  ercna û tewirê xo mojna. Gerîlayan pare kerd ke ê do serra 2021î bikerê serra azadîye.

Gerîlayê HPGyî Azad Mazdekî vat: Komplo şexsê Rayber Apoyî de vera pêro kurdan ame kerdene. Ma gerîlayê azadîya Kurdîstanî ûu fedayîyê Rayber Apoyî yê. Ma tim anê ziwan ke ma do nê komployî pûç bikerê û îşxalkeran vindarnê. Ma soz danê ke ma do têkoşînê xo berz bikerê, heta azadîya Rayber Apoyî têkoşînê xo dewam bikerê. Ma pê Hemleya 'WExt Wextê Azadîye yo' serra 2021î bikerê serra azadîye.''

Gerîlayê HPGyî Kerem Gabarî vat: ''Rayber Apo hem rayberê pêro kurdan hem zî rayberê pêro dinya yo. Xora na raştîye hêzê serdestî qehr kerdî û înan zî vera Rayber Apoyî komplo kerd. Ma sey gerîlayanê Kurdîstanî vera Komployê 15ê Sibate tim têkoşînê xo berz kenê. Azadîya Rayber Apoyî sozê gerîlayan o. Heta ke ma na azadîye nêarê ca ma rê rehetîye çin a.''

Gerîlayê HPGyî Xebat Rojhatî vat: ''Wa dişmen bizano ke ê pê Rayber Apoyî, pê fikr û tewirê ci nêeşkenê. Dişmen se keno wa bikero şarê ma xoverdayîş de isrardar o. Ma do serra 2021î bikerê serra azadîya Rayber Apoyî. Çew nêeşkeno verê fikranê Rayber Apoyî de vindero. Gerîlayî tim do xeta Rayber Apoyî ser o vinderê.''