Gerîlayê HPGyî Sîdar Serhed şehîd bi
HPGyî da zanayene ke gerîla Sîdar Serhed (Turan Derdiyok) şehîd bîyo û vat, ''Vera heme hêrişanê vera şarê ma bi hewayêkê fedakarî şer kerd û wezîfeyê xo yo şorişgêr ard ca.''
HPGyî da zanayene ke gerîla Sîdar Serhed (Turan Derdiyok) şehîd bîyo û vat, ''Vera heme hêrişanê vera şarê ma bi hewayêkê fedakarî şer kerd û wezîfeyê xo yo şorişgêr ard ca.''
Merkezê Îrtîbatî û Çapemenîye yê HPGyî nasnameyê şehîdêkî eşkera kerd û nê vatî:
“Hemrayê ma Sîdar Serhed çeleyê 2024î de Herêma Şehîd Delîlî yê Rojawanê Zapî de pêkewtişê bi dişmenî tewrê kerwanê bêrmergan bi.
Ma keyeyê hemrayê xo Sîdarî, şarê welatperwerî yê Serhedî û heme şarê welatperwerî yê Kurdîstanî rê serweşîye wazenê soz danê ke am do têkoşînê şehîdan biresnê serkewtişî û waştişê înan bîyarê ca.
Nasnameyê hemrayê ma Sîdarî wîna yo:
|
Nameyê Qodî: Sîdar Serhed Name û Peyname: Turan Derdiyok Cayê Bîyayîşî: Erzirom Maye-Pî: Xatûn – Hasan Tarîx û Cayê Şehadetî: Çeleyê 2024î / / Herêmê Pawitişî yê Medya |
Hemrayê ma Sîdar Qereçobanê Erziromî de keyeyêkê welatperwerî de yeno dinya û bu kultur û tradîsyonê kurdan beno pîl. Bado ke DAÎŞ bi paştdayîşê dewleta tirke hêrişê Rojawan û Şingalî keno o verê xo dano koyanê Kurdîstanî û Amed de tewrê refanê gerîlayan beno.
Amed de perwerdeyê verênî geno, biney tecrube keno pêser û verê xo dano Rojawanî. Tîya hema hema tewrê heme hemleyan beno. Hemrayê Sîdar Dêrazor de beno birîndar la lazebez xo ano pêser û reyna mîyanê têkoşînê aktîfî de cayê xo geno. Badê binkewtişê DAÎŞî verê xo dano Herêmanê Pawitişî yê Medya. Mîyanê têkoşînê tarîxî yê Herêma Şehîd Delîlî yê Rojawanê Zapî de ca geno û derbanê giranan dano dişmenî ro.”