Gerîlayanê HPGyî yê enternasyonalîstan derheqê armancê hêrişanê dewleta tirke ya îşxalkere de ANFyî rê qisey kerd.

Gerîlayê HPGyî Întîkam Gelhatî ard ziwan ke dewleta tirke wazena pêro Başûrî îşxal bikera û vat: ''Dişmen wazeno zimistanî ra verî nê armancî bîyara ca. Artêşa tirke pê pêro teknîkê xo hêriş kena la ma derbanê giranan danê piro. Metîna seba dişmenî do biba cayê mergî. Ma pê xo bawer ê, çimeyê ma Rayber Apoyî yo. Ganî şarê erebî fikranê Rayber Apoyî teqîb bikero û emperyalîzmê Amerîka û Rûsya ra xo bixelisno. Dewleta tirke wazena ke erebî sey wextê Osmanîyan reyna bigêrê binê emerê xo. La ma do rayîr nêdê net. Ma do bi qerardarîya Rayber Apoyî û bi ruhê Egîdan têkoşîn bikerê.''

Gerîlayê HPGyî Şîyar Erebî vat: ''Dewleta tirke bi her metod û hawayî hêrişê gerîlayan kena. Dewleta tirke nika Metîna de kena ke pê rayîrê hemkaranê xo pêro Başûrî îşxal bikera.  Ez sey ferdêkê neteweya ereban vera hêrişanê dişmenî tewrê gerîlayan bîya. Heta ke nê hêrişanê îşxalî yê dewleta  tirke biqedînê ma do  xo ver bidê. Wa şarê erebî paştî bido nê têkoşînê rûmetênî. Ganî ciwanê ma tewrê nê xoverdayîşî bibê û vera faşîzmî şer bikerê. Biciwîya yewîya ereb û kurdan, Rayber Apo.''