15ê Sibata 1999î ra dima xeylêk gerîlayanê ARGKyî çalakîya fedayî weçînaye.Şehrîstane Botan Êlih de, Akîf verê bînaya MÎTî de, Ferhat Berwar Elbaq de û Zînê Gulîstan zî meydanê Taksimî de pê çalakîya xo bîyê tersê dewleta tirke.
Rayberê Şarê Kurdî Abdullah Ocalan 15ê Sibate de pê komployêk teslîmê Tirkîya ame kerdene.20 rojan ra dima Êlih de gerîlayêka cinîye nêzdîyê qereqolê Şehîd Keskîn Kaplan Kiranî bîye û sereyê xo de bomba teqnaye.
Na gerîlaya cinîye Nezahate Baraci (Şehrîstane Botan) 4ê adara 1999î de çalakîya xo ya fedayîye kerde û dima xeylêk gerîlayanê Artêşa Xelisîyayîşê Şarê ya Kurdîstanî (ARGK) no metodê çalakîye ard ca. Gerîlayan pê înîsîyatîfê xo dezgeh û hêzê dewleta tirke kerdî hedef û waşt ke asayîşê weşîya Rayberê Şarê Kurdî bêro caardene. Xora mektubanê înan zî pê vateyê 'Şima nêeşkenê tîja ma tarî bikerê' dest pêkerdêne.
Şehrîstane Botana ke 15ê Sibate ra dima çalakîya fedayîye ya verêne kerda, 1976 de qezaya Cizîre ya Şirnexî de dadîya xo ra bîye û ciwanîya xo de zî tewra gerîlayanê ARKGyî bîye. Şehrîstane çalakîye ra verî Rayberê Şarê Kurdî rê no mektub verdabi: ''Serekê mi! Ti tîj î û ez zî fedayîya roşnîya na tîje ya. To vatbi ke zîncîrê ma ra ber çîyêk çin o ma tira bixelisê. Ez zî pê na çalakîya xo pêro zîncîranê xo yê ke dişmenî viraştî, şiknena û bena azad. Wa rayaumûmîya dinya û hêzê demokratîkî vera hêrişanê serê Rayberîye bêveng nêmanê. Ganî asayîşê weşîya Rayberê ma bêro caardene.''
Şehrîbane mektubê de qala ci kerde ke çira çalakîya xo Êlih de kerda: ''Şima rê vengdayîşê min o ke wayîrê mîrasê Bêrîvane vejîyê, Cizîre reyna bikerê merkezê serewedaritişan û xoverdayîşê rûmetînî yê şarê ma de ca bigêrê. Ez çalakîya xo do Êlih de bikera ke kontragerîlayî xîret kerd ke Êlih teslîm bigêra û tede bi seyan welatperwerî kiştî. Bi nê hawayî ez wazena yewîya şar û gerîlayan îsbat bikera. Ez wazena pê adirê bedenê xo çalakîya şarê ma tacîdar bikera.''
Gerîla Şehrîstane Botan mektub de veng dana embazanê xo yê gerîlayan û îfade kena ke komployî ra pey hînî şer do bibo pîlêr. Gerîla Şehrîstane nê rojî o çax wina dîyê: ''Têkoşîn newe dest pêkeno. Şer do bibo pîlêr û ma do nê dişmenê faşîstî birijnê. Coka wezîfeyê girîngî pabeyê ma yê. Şima sey gerîlayan ganî nê şerî pîl, bihêzêr bikerê, ser bivisnê. ''
Gerîla Akîf Dihok de bînaya MÎTî de bi
Çalakîya Şehrîstane ra 6 rojan dima 10ê adare de gerîlayê ARKGyî Şahîn Huseyîn (Akîf) serê ci de bombayan dekewt bînaya MÎTî ya Dihokî û çalakîya fedayî kerde. Na çalakîye de xeylêk endamê MÎTî merdî û hêzanê dewleta tirke rê mesajê 'şima qet yew ca de biasayîş nîyê' dîya.
Şahîn Huseyîn 1980 de Kobanê de dadîya xo ra bi û 1998 de tewrê gerîlayan bi. Şahîn Huseyînî mektubê xo de nê çîyî ardî ziwan: ''Serekê mi ez pê na çalakîya xo kena ke deynê xo bidê Rayberîye. Ez deyndar a. Apo nêtepişîyeno! Ma do binê Egîd, Zîlane û Apo û cewabê Rayberîya xo bidê.''
Çalakîya Ferhat Berwarî
Tacettîn Şahîn (Ferhat Berwar) 1972 de dewa Kotranusî ya Colemêrgî de dadîya xo ra bi û 1993 de tewrê gerîlayan bi. Ferhat Berwarî bire daye ke Newroza 1999î de Elbaqî ya Wanî de çalakîya xo ya fedayî bikera. 20ê adare de Ferhat kewt rayîr la semedo ke dekewtişê şaristanî de kontrolê polîsan de nêtepişîyo uac e serê xo e bomba teqnaye. Çalakîye de xeylêk polîsî merdî.
Ferhat Berwarî mektubê xo de Rayberê Şarê Kurdî wina ercna: ''Cenabê to ma çinbîyayîşî ra newe ra aferna. Ma se bikerê zî qîm nêkenê. Ez pê na çalakîya xo wazena sey Zîlane azad biba. Ez wazena pê na çalakîya xo bimojna ke ê nêeşkenê tîja ma tarî bikerê.''
Çalakîya Zînê Gulîstan
Merale Mamyak (Zînê Gulîstan) qezaya Susuzî ya Erdexanî de dadîya xo ra bîye û 1997 de tewra gerîlayan bîye. Zînê Gulîstan 2 serrî zî metropolanê Tirkîya de xebatî kerdî.
Zînê Gulîstan 27ê gulana 1999î de meydanê Taksimî yê Îstanbulî de vera otobusa tîmanê taybetan ê polîsanê tirkan çalakîya fedayî kerde. Çalakîye de xeylêk polîsî merdî û birîndar bîyî.
Zînê Gulîstan mektubê xo de Rayberê Şarê Kurdî Abdullah Ocalanî rê wina sebebê çalakîya xo eşkera kerdî: ''Ez seba ke xo biresna Rayberîye û Kurdîstan na çalakîye kena. Ez pê kêfweş a ke kurdî wayîrê Rayberîya winasêne yê. Hêzê kolonyalîst û serdestî wazenê na kêfweşîya ma xera bikerê. La cenabê to her kurd kerd Apo. Serra 1999î o biba serra Rayber Apoyî.''
Raşta zî 1999 bîye serra Rayberê Şarê Kurdî. Serranê bînan desey Zînê, Ferhat, Şehrîstane xeylêk gerîlayan pê çalakîyanê xo mesaj da ke dewleta tirke ke wa zerarêk nêreso Rayberê Şarê Kurdî.
