Komîteya Paştdayîşê bi Keyeyanê Şehîdan a PKKyî  gerîla Hayatî Er (Zinar)o ke herêma Garisa ya Girê Mêşa ya Botanî de hezîrana 1989î de şehîd bibi yad kerd û keyeyê ci rê mektubêk erşawit.

Mektub wina yo:

''Destpêk de nameyê Têgêrayîşî ma ferdanê keyeyê şima selam kenê û hûrmetê xo pêşkêş kenê. Tay sebeban ra ma nêeşkayî xo biresnê adresê keyeyê şima û coka ma tay erey kewtî. Ma pê hêvîdar ê ke şima do ma fam bikerê.

Keyeyê ercîyaye yê Erî;

Embazê ma yo ercîyaye û lajê şima Zinar dej û tengasîyê şarê ma zerrîya xo de hîs kerdî û seba ne nê dejan biqedîno tewrê gerîlayan bi, bi hêvîya azadîye ya şarê xo. Ey vera statuyê kolekerdişî yê şarê Kurdîstanî sere wedarit û wijdanê xo goşdarî kerd. Embazê ma yê çêr û rûmetdarî Zinarî dewaya azadîya Kurdîstanî sey manaya diyîne ya cuya xo dîye û heta şehadetê xo bi fedakarî xebitîuya. Hezîrana 1989î de embaz Zinarî herêma Garisa ya Girê Mêşa ya Botanî de vera şerê dewleta tirke bi çêrî şer kerd û tewrê şehîdan ê bêmergan bi.

Sereyê pêro şarê Kurdîstanî û keyeyê ci weş bibo. Ma wazenê şima bizanê ke ma dejê şima pare kenê û ma sey embazanê ci yê dewa hende şima dejenê. Ma wazenê nê dejî têkoşînê xo de şenik bikerê. Ma hêvî kenê ke şima nê şehadetê pîlî pê sebir û xoverdayîşêkî pêşwazî bikerê û wina nêzdîyê ci bibê.

Şima çend pê embaz Zinarî sereberz bibê heqê şima yo. Ma tim pê embazanê xo sereberz bîyî. Ma do seba caardişê armancanê înan heta peynî têkoşîn bikerê. Seba ke şehîdanê ma alaya xo daye ma ma pê ruhêkê fedayî şîyî dişmenî ser.  No hêzo bingeyî çime, wextê vîyarte û ameyoxî yê ma yo. Şaro azad û welato azad cewabo tewr raştikên ê seba vîrameyîşanê înan o.

Înan ma ra çîyo bîn nêwaşt. Ma zanenê ke nika xeylêk şehîdê ma bêgor ê. Xora înan ma ra gor nê welatêko azad waştêne. Coka ma Kurdîstanê azadî de seba înan tirbeyanê pîlan virazê. No tek sondê ma yo ke ma her roje dibare kenê.

Ê kesê ke wazenê dest û gamanê ma yê haştîye bişiknê, şarê ma rê cuyêka bêrûmete ferz kenê ma vera nê dişmenan xeta şehîdanê xo ser o heta peynî do têkoşîn bikerê. Seba ke dejê dadîyanê kurdîstanî biqedê, cuya rûmetên û azade bêra awankerdene ma do xoverdayîşê xo pîl bikerê. 

Nê esasî ser o ma reyna serweşîye wazenê, selam û hûrmetanê xo pêşkêş kenê.

Name û Peyname: Hayatî Er

Nameyê Têgêrayîşî: Zinar

Nameyê Dadîye: Halîme

Nameyê Babîy: Hasan

Ca û Tarîxê Bîyayîşî: Dewa Tilminarî /Nisêbîn/ Mêrdîn/14.05.1969

Ca û Tarîxê Tewrbîyayîşî: Badibe-Bagok/16.08.1988

Cayê Şehadetî: Garisa Girê Mêşa/Botan"