Gerîlayanê Yewinanê Xelisnayîşê Rojhelatê Kurdîstanî (YRK) Kemal Şahoyî û Karo Kobanêyî ANFyî rê qisey kerd û vera hêrişanê dewleta tirke venga pêro ciwanan da ke wa tewrê gerîlayan bibê.

Gerîla Kemal Şahoyî vat: ''Dewelta tirke wazena pê hêrişanê vera Başûrî îradeyê kurdan bişikna. Xora gerîlayê azadîye heta ke destê înan ra bêro do vera nê hêrişan vejîyê. Ganî ciwanê kurdî zî tewrê gerîlayan bibê û nê xoverdayîşî de ca bigêrê. Şarê kurdî wayîrê îrade û felsefeya Rayberîye yo. Ganî şarê kurdî û ciwanê kurdî nê prosesî de pê serewedaritişê xo xoverdayîşê gerîlayan rê bibê cewab û serkewtiş bivisnê destî. Ma pê gerîlayî bawer ê. Serkewtiş do ê ma bo.''

Gerîla Şahoyî dima deyîrêke vate û deyîre dîyarîya kurdan bîtaybetî dîyarîya kurdanê Hewremanî kerde.

Gerîla Karo Kobanêyî vat: ''Herêmanê Pawitişî yê Medya de xoverdayîşo tarîxî esto. Armancê gerîlayan çinkerdişê dişmenê kurdan o. Ganî kurdî vera nê hêrişan hînî yewîya xo bîyarê ca û hetê gerîlayan de ca bigêrê. Rayberê ma rixmê tecrîdî zî verê dişmenî de çok nêşîyo erdî ro. Ma do heta peynî vera dişmenî xoverdayîşê xo rê dewam bikerê. Ganî ciwanî na çarçewe de tewrê gerîlayan bibê. Ganî şarê kurdî û gerîlayî bibê yew. Eke wina bo ma do ser bikewê. Ewro hînî wextê ney ameyo. Siba beno ke seba yewîye do erey bibo.''