Endama Fermandarîya Qerargehê Merkezî ya YJA-Starî Şerda Mazlum Gabar tewra Bernameyê Taybetî yê Medya Haber TVyî bîye û şerê gerîlayan ercna.

Qiseykerdişê Şerda Mazlûm Gabar ra tay noqtayê girîngî wina yê:

''3yê temmuze ra vera cû 22yê nîsane de Erdogan ame Iraqî. Tîya de peymanêke îmza kerd. Tedeyîya peymane şerê Herêmanê Pawitişî yê Medya bîye. Xora 3yê temmuze ra dima şer vilayê warêkê hîrayî bi. Nê hêrişan de mutefîqê dewleta tirke PDK yo. Verê cû şer bi giranî Zap de bi, nika Girê Amediyê, Girê Cûdî, Şehîd Yûnis, Şehîd Çekdar de yo. Rojawanê Zapî de zî şer giran bi. 

Dewleta tirke senî ke Vakur de kerd Başûr de zî dewan xalî kena, vêşnena. Verî ma vera kolonyalîzmî şer kerdêne, nika şerê ma vera îşxal, îlhaq û kolonyalîzmî yo. Vera gerîlayan çekê kîmyewîyî şuxilîyenê. 

Dewleta tirke Zergelê de kena ke têkilîya mabênê herêman bibirna. PDK û Iraq do xeta Goşînê kontrol bikerê, xeta Garê, Metîna û Zapî bibirna. Yanî yeno waştene ke gerîlayî bêrê astengkerdene. Verê cû gerîlayî û şar nêzdîyê yewbînan bîyî. Şar zaf kêfweş bibi ke gerîlayî nê koyan de bîyî.La nika şar bi zorî yeno koçkerdene. Vera ney nêrazîbîyayîşî ganî xurtêr bibo.

PDK zî keno ke merdimî koç bikerê. Coka zûranê sey 'gerîlayî do hêrişê şima bikerê' keno. Gerîlayî 40-50 serrî yo tîya de yê. Gerîlayan ra nêbîyêne şarê ma do biameyêne qirkerdene. Gerîlayî erd û hewayî de çalakîyanê bitesîran kenê. 

Dewleta tirke nê şerî de teng bibî la PDK resa hewarê ci. PDK bi zerrîya xo dewleta tirke rê koletîye keno. Dewleta tirke şarê ma qir keno û teyna gerîlayî verê ney de vindenê.Gerîlayî semedê astengkerdişê qirkerdişê vera şarî kurdî berpirsîyar ê. Ma têna bi xo bimanê zî ma do Kurdîstan de ca medê înan. Ma hêzê xo Rayber Apoyî ra gênê. Gerîlayî garantîya asayîya Kurdîstanî yê.

PDKyî rîyê xo yo raştikên rewî ra eşkera kerd. Ewro PDK bîyo temsîlkarê xeta îxanetî. PDK wazeno ke Iraqî zî tewrê şerî bikero. Ganî Iraq nêbo parçeyê nê planan. Pêkerdişê Bexdad û Hewlêrî bitehluke yo. Ganî her kes hayîdar û hişyar bibo.''