Ame parekerdene ke dewanê Hêşêt, Bestê, Korîç, Heçkanîs, Serxanîs û Nûreşînî yê qezaya Berwarî yê Sêrtî de kontragerîlayî gêrenê. Dîya zanayene ke na herême de qereqolê cendirmeyan ê Hêşêtî zî est ê û qoricîyê Berwarî xebata kontragerîlayan kenê.

Goreyê îdîayan 22 qoricîyî 2018 ra nata kincanê gerîlayan xo rê kenê û bi kome gêrenê. Ame dîyarkerdene ke ramitoxê dolmîşan Ş.A. û M.A. nê qoricîyan benê herême û qoricîyî dewan de şarî rê 'hemkarîye' teklîf kenê. 3 serranê peyênan de xebatanê nê kontragerîlayan ra 40 dewijî hetê nê kontragerîlayan de bi sûcdarîya 'hetkarîya rêxistine' ameyî destbendkerdene.

Dewijêkî ard ziwan ke qoricîyê ke bi kurdkî qisey kenê, 7ê tebaxe de ameyê dewa Hêşêtî û seba 15ê tebaxe 'hetkarîye' waşte. Nê kesî îfade kerd ke seba 'paştdayîşî' dewijan rê pere zî teklîf kerdo.

Dewijo ke verî amebi destbendkerdene pê hesna ke 2022 de xebatê nê kontragerîlayan zêdîyayê û vat: ''Ma qerqilîyenê. Herêma ma herêmêka welatperwer a. Nê kesî seba ajanîye xîret kenê.''