Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de eşkerayîye daye û nê pare kerdî:

 ''Hêzê ma yê HPG û YJA Starî vera hêrişanê îşxalî yê dewleta tirke  çarçewa Hemleya Dem Demê Azadîye yo de çalakîyanê bitesîran kenê û derbanê pîlan danê îşxalkeran ro. Detayê çalakîyan wina yê;

Çarçewa Hemleya Şorişgêre ya Bazanê Zagrosî de hêzanê ma 29ê nîsane de Qilê Mareşoyî yê Avaşînî de vera îşxalkeran çalakîye kerde. Yewîyêka nimitîye ya artêşa tirke verî gerîyaye binê kontrolî dima ra pê çekanê termalî ameye pirodayene. Çalakîye de 2 îşxalkerî ameyî cezakerdene.Îşxalkeranê ke merde û birîndarê xo pê helîkopteran herême ra vetî warê çalakîye bombarduman kerd.

30ê nîsane de artêşa tirke vera mewzîyanê şerî yê qilanê Şehîd Munzur û Şehîd Arnosî yê warê Mamreşoyî yê herêma Avaşînî kerd ke bikewê nê mewzîyan.  Hêzanê ma cewabê hêrişan de îşxalkerî bênetîce peyser agêrayî.

Eynî roje Qereqolê Girê yê Çelê yê Colemêrgî pê çekanê giranan ame hedefgirewtene.Na çalkîye de mewzîykêke pîya bi leşkerêkî ameyî îmhakerdene.

Hêrişê hewayî yê vera Herêmanê Pawitişî yê Medya dewam kenê. Detayê hêrişan wina yê;

29ê nîsane de  artêşa tirke ya îşxalkere warê Kolîtî yê herêma Xakurkê pê teyarayanê şerî bombarduman kerd.

30ê nîsane de artêşa tirke arazîya dewa Kêsta û Qilê Zendûra pê obus û hewanan bombarduman kerdî. Badê hêrişî erazî de şewat vejîya.

30 nîsane de artêşa tirke dormeyê warê Karkerî yê Zapî pê teyarayanê şerî bombarduman kerd.

Nê hêrişanê îşxalkeran de vînîbîyayeyê ma çîn ê.''