Gerîlayanê YJA-Starî û HPGyî Herekol Botan û Hebûne Hêvî  hêrişê îşxalî yê dewleta tirke yê vera Herêmanê Pawitişî yê Medya ANFyî rê ercnayî.

Gerîlaya YJA-Starî Hebûne Hêvîya ke eyaletê Avaşînî de mewzîyanê Hemleya Şorişgêre ya Bazanê Zagrosî de ca gêna vat: ''Ma vera operasyonanê îşxalî hê mewzîyan de yê. Nê operasyonî çarçewa Planê Çinkerdişî yê AKP-MHPyî de yenê kerdene. Ma sey gerîlayan heta peyêne do xo ver bidê, ma do operasyonan çin bikerê. Ma çarçewa Hemleyanê Bazanê Zagrosî û Cengê Xabûrî de eyaletanê Avaşîn, Zap û Metîna de bi îdîayêka pîlî tewr benê. Eke dişmen game bierzo zî seke Garê de bi do poşman bibo.''

Gerîlayê HPGyî Herekol Botanî vat: ''23ê nîsane ra nata ma hê xo ver danê. Nê hêrişî têna vera gerîlayan nê vera kurdanê Başûrî yê. Ganî şarê Başûrî vejîyo kuçeyan û hêrişan şermezar bikero. Wa bêveng nêmano. Hêrişê dewleta tirke çend giran bibê ma hende bi xurtî cewab danê ci. Heta peyêne ma do erdê xo bipawê.''