Wexto ke cerganê DAÎŞî 3ê tebaxa 2014î de hêrişê Şingalî kerd Êriş Hewraman zî sey gerîlayanê bînan şi Şingal ke şar û erdê Şingalî bipawo. Êrişî qala xoverdayîş û qirkerdişê ê çaxî kerde. Gerîla Êrişî vist vîrî ke DAÎŞî verî ke hêrişê Şingalî bikero Mûsil îşxal kerd.

Gerîla Êrişî vat: ''Îşxalê Mûsîl û Şingalî ra dima ma verê xo da Şingal. Mi verê cû qet Şingal nêdibî. Şingal de hêzêk nêmendbi, pêro rêmaybî. Çîyo ke mi Şingal de dî qet vîrê mi ra nêşino. Şarê Şingalî xîret kerdêne ke xo biresno cayanê biasayîşan. Na rewşe girîngîya wezîfeyê ma mojnaye ma.

Şarê Şingalî sey hêvîdar ewnîyayêne ma. Ma ra zaf çîyî pawitêne. Wina yew wext bi ke pêro dinya vera qirkerdişî bêveng bîye la gerîlayî şîyî uja. Her kesî meraq kerdêne ke gerîlayî do se bikerê. Gerîlayan rixmê zorîyan zî xo resna koyanê Şingalî û bi hezaran merdimî pawitî, xelisnayî. Pêro dinya dî ke gerîlayî hêzê profesyonelî yê. 

Herîlayan çend mengan pê hêzêkê qijkekî Şingal pawit û xo ver da. Roge bi roje pêro herêmê Şingalî xelisnayî. Dima hêzê pawitişî YBŞ û YJŞ awan bîyî. Bingeyê sîstemê îdareyê xoserî ame awankerdene. Yanî hetêkî ra zî Şingal seba cuya newîye ame amadekerdene.

Şingal nika eşkeno xo bipawo û îdare bikero. Planê dişmenî yê seba Şingalî xora nêqedîyayî. La Şingal hînî Şingalo verên nîyo. Ma amade yê ke sey Şingal pêro Kurdîstanî bipawê. Çarenûsê Şingalî hînî destê şarê Şingalî de yo. Ma do paştî bidê înan.''