Gerîlayê mahabadijî Cengawer Qendîlî derheqê tewrbîyayîşê xo yê gerîlayan de qisey kerd ke herêmanê Zap, Avaşîn û Metîba de xoverdayîşê gerîlayan de ca gêno.

Qendîlî pare kerd ke o vera zulm û tedaya rejîmê Îranî tewrê gerîlayan bîyo û vat: ''Eke ez tewr nêbibîyêne ez ameyêne asîmîlekerdene. Mi rê çîyo tewr balkêş ê cuya koyan embazîya gerîlayan a. Ganî ciwanê Rojhelatî bizanê ke dîktatorîya Îranî pê metodanê şerê taybetî wazena ciwanan asîmîle bikera. Dewleta Îranî kena ke çimê merdiman bitersna, ganî ciwanê Rojhelatê Kurdîstanî vera ney baldar bibê. Tewiro tewr radîkal û manadar ê vera dişmenî tewrbîyayîşê gerîlayan o. Gerîlayî tek rayîrê xelisîyayîşî yê.Ez venga pêro ciwananê kurdan dana ke seba cuya rûmetêne û azade tewrê gerîlayan bê.''