Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Şorişgêre ya Cengê Heftanîn de 27ê temmuze de hêzanê saetanê serê sibayî ra heta şanî mintiqayanê Şeşdara, Pirbula, Qilê Koordîne û Qilê Tunelî de vera îşxalkeran çalakîyê suîqestî viraştî la hûmara merde û birîndaran dişmenî nêameyî tesbîtkerdene.

Eynî roje saetanê şanî de hêzanê ma vera helkopteranê Kobra û Skorskyan ke kewtî herême çalakî viraştî. Helîkopterê ke di hetanî ra bitesîr ameyî pirodayene ameyî derbkerdene.

Çarçeweya Hemleya Şorişgêre ya  Şehîd Bager û Şehîde Ronya de  27ê temmuze de  Çelê ya Colemêrgî de vera kepçeyêkî mabênê qilanê Eriş û Xeregolî rayîro leşkerî viraştene, çalakî  ameye viraştene. Çalakî de kepçe ame îmhakerdene û leşkerêk ame cezakerdene.

27ê temmuze artêşa tirke ya îşxalkere Qilê Qertalî yê Avaşînî bombarduman kerd. Nê hêrişî de hemrayê ma Tekoşer Helmet şehîd bi.  Derheqê zanayîşê nasnameyê embazê ma de zanayîş do peyra bêro dayene.

Artêşa tirke ya îşxalkere 19ê temmuze dea Geverê Colemêrgî de oeprasyonêk da destpêkerdene. Operayono ke mintiqaya Gezrê de ame kerdene mabênê hêzanê ma û îşxalkeran de pêkewtişî qewimîyayî. Yewîyê dişmenî ke bitesîr ameyî pirodayene ra 2ê înan payeberzî 12 îşxalkerî ameyî cezakerdene. 3 embazê ma yê ke bi hawayêkê qehremankî vera îşxlakeran şer kerd tewrê kerwanê şehîdan bîyî.

Zanayîşê nasnameyanê embazanê ma yê şehîdan wina yê:

Nameyê Qodî: Ahmet Cizre Name û Peyname: Ahmet Cizre Cayê Bîyayîşî: Şirnex Maye-Pî: Rabîa – Bahattîn Tarîx û Cayê Şehadetî: 19ê Temmuza 2020î / Gever

Nameyê Qodî: Çekdar Zîlan Name û Peyname: Firat Erîşen Cayê Bîyayîşî: Wan Maye-Pî: Ferîzde – Behçet Tarîx û Cayê Şehadetî: 19ê Temmuza 2020î / Gever

Nameyê Qodî: Simko Zerdeştî Name û Peyname: Mahîr Edîş Cayê Bîyayîşî: Şirnex Maye-Pî: Zuleyha – Raûf Tarîx û Cayê Şehadetî: 19ê Temmuza 2020î / Gever

Embazê Ahmet, Çekdar û Simko bajaranê cîya cîyayan ê Kurdîstanî  de ameyî dinya û wextanê cîyayan de tewrê sefanê gerîlyan bîyî. Dima ke ameyî perwerdekerdene pratîk de waranê şerî de gerîlatîye kerde û vera îşxalkeran cayanê tewr germinan ê  şerî de têkoşîn kerd. Embazanê ma  semedê azadîya şarê ma heta guleyê xo yê peyênî vera dişmenî şer kerd û bîyî fedaî.

Semedê şehadetê hîrê embazanê ma, sere de keyeyanê înan ma heme şarê welatperwerî yê Kurdîstanî rê serweşî wazenê û sozê serkewitşî newe kenê.''