Gimgim de qoricîyî 2 dewijî kiştî, dewijêk birîndar kerd
Dewa Şemanî ya qezaya Gimgimî ya Mûştî de qoricî Umît Karakayî guleyî verdayî 3 tenan ser. Hêriş de 2 dewijî kişîyayî û 1 dewij zî birîndar bi.
Dewa Şemanî ya qezaya Gimgimî ya Mûştî de qoricî Umît Karakayî dima ke nîqaş kerd guleyî verdayî 3 tenan ser. Hêriş de Hasan Başak û Huseyîn Saglam kişîyayî û Cemal Han zî birîndar bi.
Serebût vizêr şan saete 22.00 de qewimîya. Karakaya serebûtî ra dima rema.
Cenazaya 2 dewijan ewro dewe de do bêrê definkerdene.
