Deweka Kuşburnuyî ya dewa Taşliyayla ya qezaya Gimgimî ya Mûşî de ziwatîye ra semed dewijî zehmetîye ancenê. Dewijan pare kerd ke emser semedo ke varayîş kêm bi vaş zî çin o.

Dewijan îfade kerd çimeyê debara înan o verên heywankarî û zîret o la ziwatîye ra semed ê do mejbûr ê ke heywananê xo biroşê. Hetê bînî ra dewijan ard ziwan ke serranê verênan de înan hingdarîye zî kerdêne la emser vilî çin ê.

Dewijan vat: ''Ziwatîye ra Mûş de ne meywe ne zî sebze esto. Ma teberî ra berheman gênê. Xora heywanî zî binê tesîrê na rewşe de manenê. Vaya vaşê heywanan zî vera zêdîyena.''

Dewijêkê bînî zî vat: ''Heywanê mi, traktorê mi estê. 20 serrî yo ez heywankarîye kena. Dewijan de her kes pê yewmîye xebitîyeno. Par balyayêke 20 lîra bîye emser 40 lîra ya. Tonê vaşî hezarêk lîra bi emser 3 hezar o.''